2 Samuel 9:10 - MUMA MALER 2015

¹⁰ In kod yawuoti gi wasumbi nyaka upurne puothene, kendo ukelne cham monyakie, mondo jood nyakwar ruodhu oyud chiemo. Mefibosheth owuon to abiro miyo chiemo ndalo duto.”

Motingʼo Loko Manyien

¹⁰ In gi yawuoti kod jotiji ubiro purone kendo ukel cham mondo nyakwar ruodhi obed gi chiemo to Mefibosheth, nyakwar ruodhi, to biro chiemo e mesana pile.” Ziba ne nigi yawuowi apar gabich gi jotich piero ariyo.

2 Samuel 9:10 ပူးပေါင်းရင်းမြစ်များ

2 Samuel 16:3

Ruoth nomedo penje ni, “To wuod ruodhi ni kanye?” Ziba nodwoke niya, “Odong’ Jerusalem, nikech nowacho ni, ‘Tinende jo-Israel biro dwokona loch wuora.’ ”

2 Samuel 19:18

mondo gikonye ng’ado aora gi joode, kendo gitimne gimoro amora modwaro. Kane ruoth oikore ng’ado aora, Shimei wuod Gera nogoyo chonge piny, mokulorene nyaka e lowo,

2 Samuel 19:28

nikech joodwa duto nowinjore gi tho e lweti, to kata kamano niyiera mondo abed achiel kuom joma chiemo kodi. Koro ere gima chielo ma damed kwayi?”

2 Samuel 21:7

To ne ok ochiwo Mefibosheth wuod Jonathan ma wuod Saulo, nikech singruok ma notimo gi Jonathan e nying Ruoth Nyasaye.

2 Samuel 9:7

Daudi nowachone niya, “Kik iluor, nimar abiro timoni maber nikech hera ma naherogo Jonathan wuoru. Abiro dwokoni puothe duto mane mag Saulo kwaru, kendo anamiyi chiemo pile.”

1 Ruodhi 2:7

To tim maber ni jood Barzilai ja-Gilead, kendo ikonygi, nikech ne girwaka gi ng’wono kane aringo Absalom owadu.

2 Ruodhi 25:29

Kuom mano Jehoyachin nolonyo lep tuech, kendo nochiemo e od ruoth ndalone duto.

Jeremia 52:34

Odiechieng’ kodiechieng’ kuom higni duto mane ongima, ne imiye gik moko morome konyorego.

Luka 14:15

Ng’at achiel kuom joma ne chiemo kod Yesu nowinjo wechego, mowacho ni Yesu niya, “Mano kaka joma nobet ka chiemo e nyasi manie Piny Ruoth Nyasaye gin johawi!”