2 Samuel 8:4 - MUMA MALER 2015

⁴ Daudi nomako joidh farese alufu achiel gi mia abiriyo, kod jolweny moko alufu piero ariyo. Nong’ado odond farese duto mag geche lweny moweyo mana farese mia achiel.

Motingʼo Loko Manyien

⁴ Daudi nomako geche lweny alufu achiel gi joidh farese alufu abiriyo, gi jolweny mawuotho gi tiendgi alufu piero ariyo. Nongʼado odond farese duto.

2 Samuel 8:4 ပူးပေါင်းရင်းမြစ်များ

Chakruok 49:6

Ok nariwra e buchegi maling’ling’ kendo ok nadonj e chokruokgi, nikech ka gikecho, to ginego ji kendo ging’ado odond ruedhi kayiem nono.

1 Ruodhi 10:26

Solomon nochako ng’iewo geche mag lweny kod farese. Ne en gi geche alufu achiel gi mia ang’wen, kod farese alufu apar gariyo, ma moko noketo e miech geche, to moko ne en go Jerusalem.

1 Weche mag Ndalo 18:4

Daudi nomaye geche lweny alufu achiel, kendo nomako joidh farese alufu abiriyo, kod jolweny moko alufu piero ariyo. Nong’ado odond farese duto mag geche lweny, moweyo mana farese mia achiel.

Zaburi 20:7

Ji moko ogeno kuom gechegi mag lweny, to moko ogeno kuom faresegi. Wan to wageno kuom teko mar Ruoth Nyasaye!

Rapar mar Chik 17:16

Kik ruodhno bed gi farese mang’eny, to bende kik oor jo-Israel Misri mondo oomne farese moko ni eka omed bedo gi farese mang’eny, nimar Ruoth Nyasaye nokwerou ni kik udog kuno kendo ngang’.

Joshua 11:6

Ruoth Nyasaye nowacho ni Joshua niya, “Kik iluorgi, nimar kiny sa makama nachiwgi e lwet jo-Israel, kendo giduto ginitho, mi ning’ad odond faresegi kendo niwang’ gechegi.”

Joshua 11:9

Joshua nong’ado odond faresegi, kendo nowang’o gechegi, kaka Ruoth Nyasaye nochiko.