2 Samuel 8:3 - MUMA MALER 2015

³ Bende Daudi noloyo Hadadezer wuod Rehob, ma ruodh Zoba, e kinde mane ruodhno dhiyo chungoe rapar mar lochne e lweny but aora Yufrate.

Motingʼo Loko Manyien

³ Bende Daudi nokedo gi Hadadezer wuod Rehob, ma ruodh Zoba, eka nodhi mondo ogur lochne e dho Aora Yufrate.

2 Samuel 8:3 ပူးပေါင်းရင်းမြစ်များ

Chakruok 15:18

Chieng’no Ruoth Nyasaye nosingore ni Abram kowacho ne niya, “Pinyni amiyo nyikwayi, chakre aora man e tong’ Misri nyaka aora maduong’ mar Yufrate,

2 Samuel 10:15

Kane jo-Aram oneno ni jo-Israel oseloyogi, ne gichokore kanyakla.

2 Samuel 10:16

Hadadezer nooro joote mondo oluong jo-Amon ma nodak loka aora Yufrate, mi ne gibiro Helam, ka Shobak jatend oganda lweny mar Hadadezer otelonigi.

2 Samuel 10:19

To kane ruodhi duto manie bwo Hadadezer oneno ni jo-Israel oloyogi, ne giywagorenigi, mi gibedo e bwo lochgi. Bang’ mano jo-Aram ne ok ohedhore konyo jo-Amon kendo.

2 Samuel 10:6

Jo-Amon noneno ni gisemiyo Daudi ojok kodgi, omiyo ne giholo jolweny alufu piero ariyo kuom jo-Aram ma Beth-rehob, kod jo-Aram ma Zoba, kendo ne giwako ruoth Maaka kod joge alufu achiel kaachiel gi jo-Tob alufu apar gariyo.

2 Samuel 23:36

gi Igal wuod Nathan ja-Zoba, gi Bani ja-Gad

1 Ruodhi 4:21

Solomon nobedo ruodh pinje duto, chakre aora Yufrate, nyaka piny jo-Filistia kod tong’ piny Misri. Jopinjego duto ne chulo osuru, kendo ne tiyo ni Solomon kuom ndalo duto mag ngimane.

1 Weche mag Ndalo 18:3

Bende Daudi noloyo Hadadezer ruodh Zoba-hamath, kane ruodhno dhi chungo rapar mar lochne e lweny but aora Yufrate.

2 Weche mag Ndalo 8:3

Koro Solomon nodhi Hamath-Zoba mokawo dalano.

Zaburi 60:1

A Nyasaye, isedagiwa, kendo isemiyo olowa. Mirima osemaki kodwa, to koro yie iduog irwa.

Zaburi 72:8

Pinye nochakre e bath nam man yo wuok chieng’, nyaka bath nam man yo podho chieng’, kendo nochakre aora Yufrate nyaka tung’ piny.

Wuok 23:31

Anayar tong’ pinyu, kochakore e Nam Makwar nyak Nam Maduong’ manie tong’ jo-Filistia, kendo kochakore e thim man yo milambo, nyaka aora Yufrate. Anami ulo jopinyno, mi unuriembgi.

Rapar mar Chik 11:24

Kamano kamoro amora ma tiendu onyono nobed maru, kendo mbap pinyu nochakre e thim yo milambo nyaka piny Lebanon yo nyandwat, kendo chakre aora Yufrate yo wuok chieng’ nyaka nam Mediterania yo podho chieng’.

1 Samuel 14:47

Kane Saulo obedo ruodh Israel, nokedo gi wasike duto koni gi koni, moloyogi kuonde duto modhiye. Ne gin jo-Moab, gi jo-Amon, gi jo-Edom, gi ruodhi mag Zoba, kod jo-Filistia.