2 Samuel 8:15 - MUMA MALER 2015

¹⁵ Daudi nobedo ruodh Israel duto, morito piny gi kue, kong’ado bura kare ni joge duto.

Motingʼo Loko Manyien

¹⁵ Daudi nobedo ruodh jo-Israel duto, kotimo maber kendo makare ni joge duto.

2 Samuel 8:15 ပူးပေါင်းရင်းမြစ်များ

2 Samuel 15:3

to Absalom ne wachone niya, “Aneno ni wecheni beyo, kendo adier, to mak mana ni onge ng’at ma ruoth oseketo mondo oyal buche ma kamagi.”

2 Samuel 20:23

Koro Joab ne jatend jolweny duto, to Benaya wuod Jehoyada ne jatend jolweny mowak ma jo-Kereth gi jo-Peleth.

2 Samuel 3:12

Abner nooro joote Hebron ir Daudi, kowachone niya, “Tim koda winjruok, mi nakonyi loko jo-Israel duto mondo oduog iri.”

2 Samuel 5:5

Nobedo ruodh jo-Juda kuom higni abiriyo kodak Hebron, kendo nobedo ruodh jo-Israel duto kaachiel gi jo-Juda kuom higni piero adek gadek kodak Jerusalem.

2 Samuel 8:14

Bang’e noketo askeche ma jorit e piny Edom, kendo jo-Edom duto nobet e bwo lochne. Kuonde duto mane Daudi dhiye, Ruoth Nyasaye ne miye locho.

2 Samuel 8:16

Joab wuod Zeruya ne jatend jolweny, to Jehoshafat wuod Ahilud ne jachan weche.

1 Ruodhi 10:9

Apako Ruoth ma Nyasachi moheri, kendo oketi ruodh Israel. Ruoth Nyasaye oseketi ruoth ni mondo ing’ad bura kare.”

1 Ruodhi 4:1

Solomon nobedo ruodh jo-Israel duto,

1 Weche mag Ndalo 18:14

Daudi nobedo ruodh Israel duto, morito piny gi kue, kong’ado bura kare ni joge duto.

Zaburi 119:121

Asetimo gik makare kendo mabeyo, omiyo kik ijwang’a e lwet wasika.

Zaburi 72:2

Kamano enorit jogi gi adiera, kendo notel ni jochan e yo makare.

Zaburi 75:2

Nyasaye wacho niya, “Ka kinde ma aseketo mondo ong’adie bura ochopo, to abiro ng’ado bura.

Zaburi 89:14

Lochni otenore kuom tim makare kod ng’wononi. Hera gi adiera opong’o gik moko duto mitimo.

Isaya 9:7

Lochne nobed maduong’, kendo kue mokelo nobed maonge giko. Enobed e kom Daudi kendo norit pinye gi adiera kod tim makare mondo ogurre obed motegno. Chakre kawuono nyaka chieng’, Ruoth Nyasaye Manyalo Gik Moko Duto oseketo chunye mondo otim gigo.

Amos 5:15

Beduru mamon gi gik maricho, to heruru gik mabeyo, kendo gururu bura makare e ut bura, nikech dipo ka Ruoth Nyasaye Manyalo Gik Moko Duto otimo ng’wono ni joka Josef modong’.

Amos 5:24

Weuru bura makare omol ka pi, kendo tim makare bende omol ka aora ma ok duon.

Jo-Hibrania 11:33

Yie ema ne omiyo giloyo pinje mamoko, kendo girito ji gi bura makare, mi giyudo ni Nyasaye ochopo singruokne.

1 Samuel 14:47

Kane Saulo obedo ruodh Israel, nokedo gi wasike duto koni gi koni, moloyogi kuonde duto modhiye. Ne gin jo-Moab, gi jo-Amon, gi jo-Edom, gi ruodhi mag Zoba, kod jo-Filistia.