2 Samuel 8:14 - MUMA MALER 2015

¹⁴ Bang’e noketo askeche ma jorit e piny Edom, kendo jo-Edom duto nobet e bwo lochne. Kuonde duto mane Daudi dhiye, Ruoth Nyasaye ne miye locho.

Motingʼo Loko Manyien

¹⁴ Bangʼe noketo kambi askeche e piny Edom duto, mi jo-Edom nobedo e bwo loch Daudi. Kamoro amora ma Daudi nodhiye Jehova Nyasaye nomiye loch.

2 Samuel 8:14 ပူးပေါင်းရင်းမြစ်များ

Chakruok 25:23

Ruoth Nyasaye nodwoke niya, “Ogendini ariyo nie iyi, to ogendinigo biro pogore. Achiel nobed ratego moloyo wadgi, kendo maduong’ noti ni matin.”

Chakruok 27:29

Ogendini duto mondo otini kendo okulreni. Bed ruodh oweteni, kendo nyikwa meru mondo okulreni. Okuong’ joma kuong’i, to oguedh jogo maguedhi.”

2 Samuel 5:10

Duong’ mar Daudi koro nomedore ahinya, nikech Ruoth Nyasaye Manyalo Gik Moko Duto ne ni kode.

2 Samuel 7:9

Asebet kodi kuonde duto midhiye, kendo asetiekoni wasiki duto. Koro abiro miyo nyingi bedo gi huma maduong’, ka humb joma dongo mag piny,

2 Samuel 8:15

Daudi nobedo ruodh Israel duto, morito piny gi kue, kong’ado bura kare ni joge duto.

2 Samuel 8:6

Noketo askeche ma jorit e piny jo-Aramgo, mi ne gibedo e bwo lochne, kendo ne gigolone osuru. Kuonde duto mane Daudi dhiye, Ruoth Nyasaye ne miye locho.

1 Ruodhi 11:15

Hadad notony e kinde mane Daudi ni Edom. Ndalogo ema Joab jaduong’ oganda lweny odhi yikoe joma osetho, kendo ne ginego chwo duto Edom.

1 Ruodhi 22:47

Ndalogo Edom ne onge gi ruoth, to jaduong’ moro ema nobet jatelo kar ruoth.

1 Ruodhi 22:48

Jehoshafat nohondho yiedhi madongo machal gi mago mane dhi Tarshish, mondo oomgo dhahabu Ofir. To ne ok gidhi, nikech ne gibarore mana Ezion-giber.

2 Ruodhi 14:7

Amazia nonego jo-Edom alufu apar e holo Kado, mi okawo Sela gi lweny, mochako ni Joksheel. Pod iluonge kamano nyaka chil kawuono.

2 Ruodhi 18:7

Kuom mano, Ruoth Nyasaye ne ni kode, kendo noguedho gik moko duto mane otimo. Nodagi bet e bwo loch Asuria,

1 Weche mag Ndalo 18:13

Noketo askeche ma jorit e piny Edom, mi jo-Edom duto nobet e bwo loch Daudi. Kuonde duto mane Daudi dhiye, Ruoth Nyasaye ne miyo olocho.

Zaburi 60:1

A Nyasaye, isedagiwa, kendo isemiyo olowa. Mirima osemaki kodwa, to koro yie iduog irwa.