2 Samuel 7:23 - MUMA MALER 2015

²³ Ere oganda moro e piny, machalo gi jogi Israel? Bende nitie jopiny moro mane isedhi miwaro e tich misumba, miloko jogi? Ere oganda moro, misetimonigi gik madongo malich, kimiyogo nyingi duong? Koso ere oganda machielo misereso, kigolo Misri mondo obed jogi iwuon, kendo kiriembonigi ogendini mamoko gi nyisechegi mondo oweni thuolo?

Motingʼo Loko Manyien

²³ Ere oganda machal gi jogi Israel? Bende nitiere oganda moro e piny mane Nyasaye osedhi moreso mondo obed joge owuon kendo mosemiyogo nyinge ongʼere mi otimogo honni madongo kendo malich koriembo ogendini gi nyisechegi ka gia e nyim joge, mane oreso kogolo Misri?

2 Samuel 7:23 ပူးပေါင်းရင်းမြစ်များ

2 Samuel 7:24

Niwalo jogi Israel mondo obed jogi nyaka chieng’, kendo in, a Ruoth Nyasaye, ema isedoko Nyasachgi.

1 Weche mag Ndalo 17:21

Ere oganda moro e piny, machalo gi jogi Israel? Bende nitie jopiny moro mane isedhi miwaro e tich wasumbni, miloko jogi? Isemiyo nyingi duong’ kuom timbe madongo kendo malich nikech iseriembo ogendini moko mondo owe thuolo ni jogi mane ireso kigolo e piny Misri.

Nehemia 1:10

A Ruoth Nyasaye, jo-Israel gin jotichni kendo jogo misewaro gi tekoni kod badi motegno.

Zaburi 106:22

Ee, wigi nowil gi honni miwuoro mane otimo e piny nyikwa Ham, kod gik malich mane otimo e Nam Makwar.

Zaburi 111:9

Ne okelo warruok ni joge, mi otimo kodgi singruok mosiko. Mano kaka nyinge ler, kendo duong!

Zaburi 145:6

Ji nowuo kuom timbeni malich. An bende nahul duongni maler.

Zaburi 147:20

Onge oganda moro machielo ma osetimone kamano, kata ma osepuonjo chikene. Pakuru Ruoth Nyasaye!

Zaburi 40:5

A Ruoth Nyasacha, isetimonwa gik mang’eny miwuoro. Onge ng’ama inyalo pimo kodi! Gik moko duto ma isechanonwa kelonwa gweth. Ka da anyalo hulogi duto mi awuo kuomgi, to ging’eny ma ok anyal tieko.

Zaburi 44:3

Jogigo ne ok okawo piny gi gigegi mag lweny, bende ne ok gilocho gi tekregi giwegi. To ne gilocho mana nikech tekoni maduong’, kendo nikech ne in kodgi. Mano e kaka niherogi!

Zaburi 65:5

A Nyasachwa kendo jawarwa, idwokowa kitimo gik madongo miresowago. In ema ji duto modak e piny ogeno kuomi, koda ka joma odak kuonde maboyo loka nam.

Zaburi 66:3

Pakuru Nyasaye niya, “Mano kaka gik mitimo lich miwuoro! Tekoni duong’ ahinya, omiyo wasiki kulore gi luoro e nyimi.

Wuok 12:12

Otienono nawuoth e piny Misri duto kendo naneg nyathi ka nyathi ma dichwo makayo mar dhano kod mar chiayo. An e Ruoth Nyasaye, kendo anakum nyiseche duto mag jo-Misri.

Wuok 33:16

nikech ka ok idhi kodwa, to ere kaka ji nyalo ng’eyo ni imor kodwa? To ka idhi kodwa, jogi kaachiel gi an nobed joma opogore gi dhoudi duto manie piny.”

Wuok 6:7

Anakawu ka joga awuon, kendo anabed Nyasachu, mi unung’e ni an e Ruoth Nyasaye ma Nyasachu ma golou e tij jo-Misri mapek michunou mondo uti.

Wuok 9:15

Ka dine arie bada mi agoyi gi tuo moro, kaachiel gi jogi, to dikoro kari oselal.

Wuok 9:16

To aseweyi ibet mangima mana ni mondo anyisigo tekona, kendo mondo humba olag e piny ngima.

Jeremia 32:20

Ne itimo ranyisi gi honni e piny Misri, kendo pod isiko kitimogi nyaka chil kawuono e piny Israel kendo e pinje moko duto.

Jeremia 32:21

Ne itiyo gi tekoni maduong’ kod riekoni kuom timo ranyisi gi honni mane ibwogogo wasikwa, mi igolo jogi e piny Misri.

Ezekiel 20:9

To ne ok atimo kamano, nikech mano dine oketho nyinga, nimar ne asewacho ni jo-Israel, ka joma ne odak e igi kod ogendini mokiewo kodgi winjo, ni abiro gologi Misri.

Kwan 6:27

Kamano e kaka ginihul nyinga ni jo-Israel kendo anaguedhgi.”

Jo-Efeso 1:6

Ne otimo kamano mondo ji opak ng’wonone man gi duong’ mane otimonwa kuom Wuode mohero.

Rapar mar Chik 10:21

En ema nyaka upake, nimar en Nyasachu mosetimonu timbe madongo kendo malich, ma useneno gi wang’u.

Rapar mar Chik 15:15

Paruru ni ne un wasumbni e piny Misri, to Ruoth Nyasaye ma Nyasachu noresou. Mano emomiyo amiyou chikni.

Rapar mar Chik 33:29

Ere joma mor ka un, un jo-Israel ma Ruoth Nyasaye owaro! Ruoth Nyasaye e kuot mogeng’ou, kendo en e liganglau mar duong’. Wasiku mondo obolrenu, kendo unyon hembko maggi gi tiendu.”

Rapar mar Chik 9:26

Nalamo Ruoth Nyasaye kakwaye niya, ‘A Ruoth Nyasaye ma Ruodha, kik itiek jogi, nimar gin mwanduni mane iwaro gi tekoni maduong’, mi igolo Misri gi bat motegno.

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Joshua 7:9

Kapo ni jo-Kanaan kod jopinyno duto owinjo wachni, to gibiro nur kuomwa, kendo yweyowa ka yuech. To koro ang’o ma nitim mondo ires nyingi maduong’ni?”

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.