2 Samuel 7:20 - MUMA MALER 2015

²⁰ A Ruoth Nyasaye, ang’o ma damed wachoni, to ing’eya oko gi iye?

Motingʼo Loko Manyien

²⁰ “En angʼo ma Daudi dimed wachoni? Nimar ingʼeyo jatichni, yaye Jehova Nyasaye Manyalo Gik Moko Duto.

2 Samuel 7:20 ပူးပေါင်းရင်းမြစ်များ

Chakruok 18:19

Aseyiere mondo ochik nyithinde kod nyikwaye oluw yorena ka gitimo timbe mabeyo kendo makare. Kamano natimne gik moko duto ma nasesingorane.”

1 Weche mag Ndalo 17:18

A Ruoth Nyasaye, in ema ing’eya oko gi iye. Ang’o ma damed wachoni kuom duong’ ma isemiya?

Zaburi 139:1

A Ruoth Nyasaye, isenona ming’eya chutho!

Johana 2:25

Omiyo ne ok odwar mondo ng’ato onyise gimoro kuom dhano, nimar nong’eyo gik manie chuny dhano.

Johana 21:17

Bang’e nopenje kendo mar adek niya, “Simon wuod Johana, ihera adier?” Petro noparore nikech mano koro ne penjo mar adek ni, “Ihera?” Omiyo nodwoke ni, “Ruoth in ing’eyo gik moko duto. Ing’eyo ni aheri.” Yesu nowachone ni, “Kwa romba.

Jo-Hibrania 4:13

Onge gimoro amora mochue, manyalo pondo ni Nyasaye, to gik moko duto elore e lela ni Jal ma nyaka wanyis gik ma wasetimo.

Joshua 5:14

Ng’atno nodwoke niya, “An ka kaka jaduong’ jolweny mag Ruoth Nyasaye.” Joshua nogoyo chonge piny, mokulore nyaka e lowo, mowacho niya, “Ang’o midwaro mondo atim ruodha?”

Fweny 2:23

Nyithinde bende abiro nego, eka kanyakla duto mag jo-Kristo nong’e ni an ema ang’eyo chuny ji gi parogi, kendo ni amiyo ng’ato ka ng’ato kuomu pok mowinjore gi timne.

1 Samuel 16:7

To Ruoth Nyasaye nowacho ni Samuel niya, “Kik ing’i wang’e kata borne, nikech asedage. Ruoth Nyasaye ok ng’ichi kaka dhano ng’icho. Dhano ng’iyo ringruok, to Ruoth Nyasaye ng’iyo chuny.”