2 Samuel 7:18 - MUMA MALER 2015

¹⁸ mi ruoth nodhi e nyim Ruoth Nyasaye, mobet piny. Nowacho niya, “A Ruoth Nyasaye, an ng’a, koso dhooda en ang’o momiyo isemiya duong’ ma kama?

Motingʼo Loko Manyien

¹⁸ Eka ruoth Daudi nodonjo e hema mobet piny e nyim Jehova Nyasaye mowacho niya, “An to an ngʼa? Yaye Jehova Nyasaye Manyalo Gik Moko Duto, jooda to gin angʼo, momiyo isetimona gigi duto?

2 Samuel 7:18 ပူးပေါင်းရင်းမြစ်များ

Chakruok 32:10

Ok awinjora gi herani maradier kendo mosiko misenyisa. Nang’ado aora Jordan ka aonge gi gimoro mak mana ludha mar wuoth kende, to koro aseduogo gi ogendini ariyogi.

Chakruok 32:11

Omiyo resa e lwet Esau owadwa, nimar aluor ni dipo ka otiekowa duto, ma ok oweyo kata mana mon kata nyithindo.

2 Samuel 23:5

Donge kamano e kaka oda obet e nyim Nyasaye, nikech osetimo koda singruok mosiko, mochan kare, kendo ma ok nyal lokore? Oseguedho gik moko ma konya, kendo ma adwaro.

2 Samuel 7:17

Nathan nonyiso ruoth Daudi weche duto ma nofwenyne,

1 Weche mag Ndalo 17:16

mi ruoth nodhi e nyim Ruoth Nyasaye, mobet piny. Nowacho niya, “A Ruoth Nyasaye, an ng’a, koso dhooda en ang’o, momiyo imiya duong’ kama?

1 Weche mag Ndalo 29:14

“An to an ng’a, kata joga gin ng’a gini, ma dimi wagol chiwo gi mor kama? In ema ichiwo gik moko duto, kendo wadwokoni mana gik misemiyowa.

Zaburi 8:4

to koro dhano en ang’o ma dipare? Adier, dhano adhanani en ang’o ma didewe?

Wuok 3:11

Musa to nowacho ni Nyasaye niya, “An to an ng’a, ma dadhi ir Farao kendo agol jo-Israel e piny Misri?”

Isaya 37:14

Hezekia nokawo barua mane joote okelone, mi osomo. Bang’e ne odhi e Hekalu, mi oyaro baruano e nyim Ruoth Nyasaye,

Jo-Efeso 3:8

An e ng’ama tinie ahinya moloyo jo-Nyasaye duto, to Nyasaye notimona ng’wono, momiya tich mar lando ni joma ok jo-Yahudi Wach Maber mar mwandu mogundho mar Kristo.

Jong’ad Bura 6:15

Gideon nodwoke niya, “To ruoth ere kaka dares jo-Israel? Dhoodwa e dhoot matinie moloyo dhoudi duto mag Manase, to bende an mana ng’at marachrachie moloyo e dhoodwa.”

Ruth 2:10

Ruth nogoyo chonge piny, mokulore nyaka e lowo, kowachone niya, “Ang’o momiyo ipara, mikecha kama, to an wendo awenda?”

1 Samuel 15:17

Samuel nowachone niya, “kata obedo ni in iwuon ineno ni itin, to oseketi jatend dhout Israel. Ruoth Nyasaye ne oyieri mondo ibed ruodh Israel.

1 Samuel 18:18

Daudi nodwoko Saulo niya, “An ng’a, koso anywolana en ang’o, kata joodwa gin ng’a gini e Israel, ma dahedhra bedo or ruoth?”

1 Samuel 9:21

Saulo nodwoke niya, “To an mana ja-Benjamin, ma libamba matinie moloyo libembni duto mag Israel, kendo dhoodwa en dhoot matinie moloyo dhoudi duto mag Benjamin. Koro, ere gimomiyo iwachona weche ma kamago?”