2 Samuel 6:13 - MUMA MALER 2015

¹³ Kane joma oting’o Sanduk mar Ruoth Nyasaye osewuotho ondamo auchiel, Daudi notimo misango gi rwath kod im machwe.

Motingʼo Loko Manyien

¹³ Kane joma otingʼo Sandug Muma mar Jehova Nyasaye ogoyo ondamo auchiel, notimo misango gi rwath gi nyaroya machwe.

2 Samuel 6:13 ပူးပေါင်းရင်းမြစ်များ

1 Ruodhi 8:5

Ruoth Solomon gi jo-Israel duto ma nochokore kode ne nie nyim Sanduk, ka gitimo misengni gi rombe kod ruedhi mokadho akwana.

1 Weche mag Ndalo 15:15

Jo-Lawi noting’o Sanduk mar Nyasaye e gokgi gi ludhe, koluwore gi wach Nyasaye kaka Musa nochiko.

1 Weche mag Ndalo 15:2

Eka nochiko ni onge ng’at moro ma nyalo ting’o Sanduk mar Nyasaye mak mana jo-Lawi kende nimar gin ema ne Nyasaye oyierogi mondo giting’e, kendo gitine nyaka chieng’.

2 Weche mag Ndalo 5:6

Ruoth Solomon gi jo-Israel duto mane ochokore kode ne ni e nyim Sanduk ka gitimo misengni gi rombe kod ruedhi mang’eny mokadho akwana.

Kwan 4:15

Pile ka kambi dar, to joka Kohath nyaka bi mondo oting’ Hema Maler kod gige duto. To kik gibi ka pok Harun gi yawuote otieko umogi, bende kik gimul gimoro amora maler, nono to githo. Mago duto gin gik Hemb Romo ma joka Kohath ema ting’o.

Kwan 7:9

To joka Kohath ne ok omiyo gimoro, nikech tich mane omigi ne mar ting’o gik maler, mane nyaka ting’ mana e gokgi.

Mathayo 22:4

Omiyo nochako ooro jotich mamoko, kowachonigi ni mondo ginyis joma oluonggo niya, ‘Nyasi oseikore, kendo aseyang’o ruetha gi jamba moko machwe, kendo gik moko duto oselosi. Omiyo biuru e kisera.’

Joshua 3:3

ka ginyiso ji niya, “Kuneno ka jo-Lawi ma jodolo otelo e nyimu koting’o Sandug Muma mar Ruoth Nyasachu, eka un bende unuchak wuoth kuluwo Sanduk.