2 Samuel 5:9 - MUMA MALER 2015

⁹ Bang’e Daudi nodak e dala mochiel gi ohingano, mi noluonge ni Dala Daudi. Nomedo gero udi molwore, chakre ohinga mar Milo, ka dok ka iye.

Motingʼo Loko Manyien

⁹ Eka Daudi nodak e dala mochiel gi ohinga moluonge ni Dala Maduongʼ mar Daudi. Nogere kolwore gi ohinga motegno gi yo ka iye.

2 Samuel 5:9 ပူးပေါင်းရင်းမြစ်များ

2 Samuel 5:7

To kata kamano Daudi nokawo Sayun, dala mochiel gi ohinga, ma tinde iluongo ni Dala Daudi.

2 Samuel 5:8

Chieng’no Daudi nowacho niya, “Ng’ama dwaro loyo jo-Jebus, to mondo oidh gi aora motucho got, kendo oneg rang’onde gi muofni ma chunya osin-go kande.” Mano emomiyo iwacho ni, “Muofni gi rang’onde kik donj e Hekalu.”

2 Samuel 6:10

Omiyo ne ok odwar kelo Sanduk mar Ruoth Nyasaye e dalane, to nobaro kode, motere e od Obed-edom ja-Giti.

1 Ruodhi 11:27

Gima nokelo piem e ma: Noyudo Solomon gero Milo, kendo dino kuonde mopodho manie kor ohinga mar dala Daudi wuon mare.

1 Ruodhi 2:10

Kamano Daudi notho, moluwo kwerene, kendo noyike Jerusalem.

1 Ruodhi 9:15

Tije mane ruoth Solomon otiyo gi joma nichuno mondo oti gi thwon e magi: nogero Od Ruoth Nyasaye, gi ode owuon, gi Milo, kod ohinga mar Gezer, gi Hazor, gi Megido kod Gezer.

1 Ruodhi 9:24

Nyar Farao noa e dala Daudi, modhi e ode mane Solomon osegerone, eka Solomon nogero Milo.

2 Ruodhi 12:20

Jodonge nojame monege e od Milo man yo madhi Sila.

2 Ruodhi 12:21

Jozakar wuod Shimeath, kod Jehozabad wuod Shomer e jodonge mane onege. Noyike but kwerene e dala Daudi, mi Amazia wuode nodoko ruoth kare.

1 Weche mag Ndalo 11:8

Nogero udi molwore, kochakore gie ohinga mar Milo, to Joab noloso kuonde mamoko mane okethore e dalano.

2 Weche mag Ndalo 32:5

Hezekia noketo chunye moloso ohinga kuonde duto momukore, kendo nomedo geroe kuonde maboyo mag ng’icho. Nogero ohinga machielo molworo mokwongono, kendo noloso Milo mane nie dala Daudi mondo obed motegno. Bende noloso gilweny kod okumbni mogundho.

Nehemia 3:15

Shalum Kol-hoze, jatend jo-Mizpa, nogero Ranga Soko, moketone tado, kendo orwako thikene gi radedi kod lodi mage. Bende nogero ohinga, chakre Yap Siloam, kama omanyore gi orundu mar ruoth, nyaka raidhi malor koa e Dala Daudi.

Zaburi 122:3

Jerusalem noger mondo obed dala ma ji chokoree gi kue kaachiel.

Isaya 29:1

Yaye, inine malit in Jerusalem, dala mane Daudi obworoe! Kuom higa achiel kata higni ariyo sewni mitimo higa ka higa pod timore,

Jong’ad Bura 9:20

To ka ok kamano, to mach mondo omuoch kuom jo-Shekem gi jo-Beth-milo mondo owang’ Abimelek.”

Jong’ad Bura 9:6

Bang’e jo-Shekem duto kod jo-Beth-milo nochokore kanyakla, kendo ne gidhi e tiend yath man but siro milamo man Shekem, mi giketo Abimelek ruoth kuno.