2 Samuel 5:7 - MUMA MALER 2015

⁷ To kata kamano Daudi nokawo Sayun, dala mochiel gi ohinga, ma tinde iluongo ni Dala Daudi.

Motingʼo Loko Manyien

⁷ To kata kamano Daudi noloyogi mokawo ohinga mar Sayun, ma en Dala Maduongʼ mar Daudi.

2 Samuel 5:7 ပူးပေါင်းရင်းမြစ်များ

2 Samuel 5:8

Chieng’no Daudi nowacho niya, “Ng’ama dwaro loyo jo-Jebus, to mondo oidh gi aora motucho got, kendo oneg rang’onde gi muofni ma chunya osin-go kande.” Mano emomiyo iwacho ni, “Muofni gi rang’onde kik donj e Hekalu.”

2 Samuel 5:9

Bang’e Daudi nodak e dala mochiel gi ohingano, mi noluonge ni Dala Daudi. Nomedo gero udi molwore, chakre ohinga mar Milo, ka dok ka iye.

2 Samuel 6:10

Omiyo ne ok odwar kelo Sanduk mar Ruoth Nyasaye e dalane, to nobaro kode, motere e od Obed-edom ja-Giti.

2 Samuel 6:12

Nonyis ruoth Daudi wach niya, “Ruoth Nyasaye oseguedho od Obed-edom kod gige duto nikech Sanduk mar Nyasaye ni kuno.” Omiyo Daudi nodhi moomo Sanduk mar Nyasaye e od Obed-edom, kendo nokele dalane gi mor.

2 Samuel 6:16

Kane Sanduk mar Ruoth Nyasaye ochopo e dala Daudi, Mikal nyar Saulo nong’icho gie dirisa, moneno ruoth Daudi ka chikore kendo miel aduwa e nyim Ruoth Nyasaye, mi nochaye gi chunye.

1 Ruodhi 2:10

Kamano Daudi notho, moluwo kwerene, kendo noyike Jerusalem.

1 Ruodhi 3:1

Solomon nokendo nyar Farao, ruodh Misri, kokelogo winjruok e pinjegi, kendo nokele e dala Daudi gi Od Ruoth Nyasaye, kod ohinga molworo Jerusalem.

1 Ruodhi 8:1

Solomon nochoko jodong Israel duto Jerusalem, mondo oom Sandug Muma mar Ruoth Nyasaye e dala Daudi miluongo ni Sayun.

1 Ruodhi 9:24

Nyar Farao noa e dala Daudi, modhi e ode mane Solomon osegerone, eka Solomon nogero Milo.

1 Weche mag Ndalo 11:7

Daudi nodak e dala mochiel motegnono, emomiyo nochak kanyo ni Dala Daudi.

2 Weche mag Ndalo 24:16

Ne oyike e dala Daudi but liete ruodhi, nikech nosetimo maber e Israel kotiyo ni Nyasaye, kendo koloso Hekalu.

2 Weche mag Ndalo 5:2

Solomon nochoko jodong Israel duto Jerusalem mondo oom Sandug Muma mar Ruoth Nyasaye e dala Daudi miluongo ni Sayun.

Nehemia 3:15

Shalum Kol-hoze, jatend jo-Mizpa, nogero Ranga Soko, moketone tado, kendo orwako thikene gi radedi kod lodi mage. Bende nogero ohinga, chakre Yap Siloam, kama omanyore gi orundu mar ruoth, nyaka raidhi malor koa e Dala Daudi.

Zaburi 132:13

Ruoth Nyasaye notim kamano nikech oseyiero Sayun kodwaro ni mondo kar dakne obed kanyo.

Zaburi 2:6

Owacho niya, “Ruoth ma ayiero aseketo ewi Sayun, goda maler.”

Zaburi 48:12

Wuothuru e got Sayun, kendo lworeuru, kukwano kuonde moger maboyo mag ng’icho

Zaburi 48:3

Joma odak e ut Jerusalem madongo, oseng’eyo ni Nyasaye e kar konyruok motegno.

Zaburi 51:18

Bed mang’won ni dala mar Sayun, A Nyasaye, kendo konye. Ee, chak iger ohinga mar Jerusalem.

Zaburi 87:2

Ohero dala Jerusalem moloyo miech nyikwa Jakobo mamoko duto.

Zaburi 9:11

Pakuru Ruoth Nyasaye marito piny kodak Sayun. Nyisuru ogendini duto gik madongo ma osetimo.

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Isaya 59:20

Enobi ka jawar mar Sayun. Ee, nobi mondo ores nyikwa Jakobo moseweyo richogi. Ruoth Nyasaye ema owacho kamano.

Jeremia 21:13

Un jo-Jerusalem, dalau obet e bath holni mana ka lwanda mogingore e pap. To an Ruoth Nyasaye abiro kedo kodu. Uwacho ni onge ng’at ma nyalo monjou kata ma nyalo mwomo ohingau.

Mika 4:2

Giniwach niya, “Waidhuru god Ruoth Nyasaye mondo wadhi e Hekalu mar Nyasach Israel. Enopuonjwa yorene, mi wanaluwgi.” Puonj mar Ruoth Nyasaye wuok Jerusalem. Ee, Sayun e kama owuoyoe gi joge.

Jo-Rumi 9:33

En kidi ma Muma wuoyo kuome niya, “Winjuru! Aketo kidi mabiro chwanyo ji e dala Sayun. En lwanda ma nomi gipodhi. To ng’at moyie kuom Jal ma kidino ochung’ kare, to ok noywag ang’e.”

Jo-Hibrania 12:22

Ooyo, un uchung’ e nyim got Sayun, dala mar Nyasaye mangima, ma en Jerusalem manie polo, kendo uchung’ e nyim malaika gana gi gana. Unie nyim chokruok ma galamoro mar nyithind Nyasaye.

Fweny 14:1

Eka ne ang’icho, mi aneno Nyarombo kochung’ e got Sayun. Ne en gi ji alufu mia achiel gi piero ang’wen gang’wen, (144,000) kendo nyinge owuon gi nying Wuon mare nondiki e lela wang’ jogo.