2 Samuel 5:20 - MUMA MALER 2015

²⁰ Mi Daudi nodhi Baal-perizim, momonjogi, kendo oloyogi. Eka nowacho niya, “Ruoth Nyasaye osemwomore kuom wasikwa, mana kaka aora mwomo genge.” Mano emomiyo nochak kanyo ni Baal-perizim, (tiende ni, Ruodh mwomruok.)

Motingʼo Loko Manyien

²⁰ Omiyo Daudi nodhi Baal Perazim kendo noloyogi kanyo. Nowacho niya, “Kaka pi muomo, e kaka Jehova Nyasaye osemwomore ni wasika e nyima.” Mano emomiyo kanyo nochak ni Baal-Perizim.

2 Samuel 5:20 ပူးပေါင်းရင်းမြစ်များ

2 Samuel 19:9

Koko maduong’ ne nitie e dhout Israel duto, ka ji penjore niya, “Ruoth Daudi noresowa e lwet wasikwa, kendo e lwet jo-Filistia, to koro oseringo oa e pinywa nikech Absalom nopiem kode.

1 Weche mag Ndalo 14:11

Mi Daudi nodhi Baal-perazim, momonjogi, kendo oloyogi. Eka nowacho niya, “Nyasaye osemiyo amwomo wasika mana kaka aora mwomo genge.” Mano emomiyo nochak kanyo ni Baal-perazim, (tiende ni ruodh mwomruok.)

Zaburi 60:1

A Nyasaye, isedagiwa, kendo isemiyo olowa. Mirima osemaki kodwa, to koro yie iduog irwa.

Isaya 28:21

Ruoth Nyasaye biro a malo gi mirima, kaka ne oa malo e got Perazim, kendo kaka ne otimo e holo mar Gibeon, mondo oti tije magalagala ma osechano timo, ma ji ok par ni onyalo timo.

Habakuk 3:13

Ibiro mondo ires jogi, kaachiel gi ruoth miseyiero. Iseketho od jaricho, chakre tado nyaka dier ot, kimuko mise mare chuth.