2 Samuel 5:11 - MUMA MALER 2015

¹¹ Hiram ruodh Turo nooro joote ir Daudi gi yiend sida, kaachiel gi jopa bao kod jogedo mag kite, mi jogo nogero ni Daudi ot.

Motingʼo Loko Manyien

¹¹ Koro Hiram ruodh Turo nooro joote ir Daudi ka gitingʼo sirni mag yiend sida gi jopa bao kod jogedo mag kite, kendo negigero dala ruoth ni Daudi.

2 Samuel 5:11 ပူးပေါင်းရင်းမြစ်များ

2 Samuel 5:12

Koro Daudi nong’eyo ni Ruoth Nyasaye osekete ruodh Israel, kendo osetego lochne ahinya, mondo oguedhgo joge Israel.

2 Samuel 7:1

Kane ruoth osechako dak e ode ma nogero, kendo Ruoth Nyasaye omiye kue e kinde gi wasike duto ma nolwore koni gi koni,

2 Samuel 7:2

nowacho ni Nathan janabi niya, “Koro an adak e ot moger maber gi yiend sida, to Sanduk mar Nyasaye odak mana e hema.”

1 Ruodhi 5:15

To bende Solomon ne nigi joting’ misike alufu piero abiriyo kod jopecho alufu piero aboro mane payo kite e gode,

1 Ruodhi 5:18

Kamano jogedo mag Solomon gi mag Hiram kod jo-Gebal ne payo kite kod bepe ka giko mondo ogergo Hekalu.

1 Weche mag Ndalo 14:1

Hiram ruodh Turo nooro joote ir Daudi gi yiend sida, kaachiel gi jogedo mag kite kod jopa bao, mondo oger ni Daudi ot.

Ezra 3:7

Jogedo gi jopa kite ne gimiyo pesa, to jo-Sidon gi jo-Turo ne gimiyo chiemo gi gik mimadho kod mo, mondo odhi Lebanon, okwang’ yiend sida nyaka dhowath Jopa. Kuros ruodh Persia ema nosemiyogi thuolo mar timo kamano.

Zaburi 30:1

A Ruoth Nyasaye, adendi nikech isewara, kendo ok iseyie mondo wasika ogona siboi.

Ezekiel 26:2

mowachona niya, “Wuod dhano, joma odak e dala mar Turo goyo mahu gi mor, kawacho kama: ‘Jerusalem ne en dala ma ogendini duto chokoree kuom ohala, to koro osekethe. Dhorangaye oseyaworenwa, omiyo wabiro bedo momew, nikech oseloye, modong’ gunda.’

Joshua 19:29

Eka tong’ nogomo mochomo Rama, nyaka Turo dala mochiel, kuma nogomoe kochiko Hosa, mogik e Nam Mediterenia. Yo podho chieng’ noting’o Mehalab gi Akzib