2 Samuel 5:1 - MUMA MALER 2015

¹ Dhout Israel duto nobiro Hebron ir Daudi, mi giwachone niya, “Ng’e ni wan mana remo achiel kodi.

Motingʼo Loko Manyien

¹ Dhout Israel duto nobiro Hebron ir Daudi ma giwacho niya, “Wan ringreni kendo wan remo achiel.

2 Samuel 5:1 ပူးပေါင်းရင်းမြစ်များ

Chakruok 29:14

mi Laban nowachone niya, “Adier in remba.” Kamano Jakobo nobet kode kuom due mangima.

2 Samuel 19:12

Un e jowetena, kendo un e remba. Marang’o un ema dudong’ achien kuom dwoka e dala?

2 Samuel 19:13

Wachuru ni Amasa bende ni, ‘Donge ing’eyo ni in kod an wan remo achiel? Nyasaye mondo okweda ka ok aketi jatend jolweny kar Joab.’ ”

2 Samuel 19:14

Kamano noloko chuny jo-Juda duto, mi ne gibet gi chuny achiel, kendo ne giorone wach niya, “Duogi kaachiel gi jogi duto.”

2 Samuel 19:43

Jo-Israel nodwoko jo-Juda kendo niya, “Wan dhoudi apar e piny Daudi, omiyo owinjore wabed kode moloyo un! Marang’o ujarowa? Donge wan ema ne wakwongo paro wach duogo ruoth?” To kata kamano weche jo-Juda ne ger moloyo weche jo-Israel.

2 Samuel 2:32

Ne giting’o ringre Asahel, mi giyiko e liend wuon mare, Bethlehem. Bang’e Joab kod joge nowuotho gotienono thole, mochopo Hebron ka piny ru.

Jo-Efeso 5:30

nikech en ringre owuon. Wan to, wan fuond ringreno.

Rapar mar Chik 17:15

to nyaka uket mana ng’at ma Ruoth Nyasaye ma Nyasachu noyiernu. Ng’at ma uketo ruothno nyaka bed mana ja-Israel wadu, to kik uket ng’at ma ok ja-Israel.

Jo-Hibrania 2:14

Emomiyo kaka nyithindogo nigi ringruok mar dhano, e kaka Yesu bende nokawo ringruok mar dhano. Notimo kamano mondo, kuom thone, oketh loch jal man gi teko mar tho, tiende ni Satan,

Joshua 10:36

Kane gia Eglon, Joshua kod jo-Israel duto nodhi momonjo Hebron.

Jong’ad Bura 9:2

Nowachonigi niya, “Yieuru upenjna jodong Shekem kama: ‘Ere gima bernu? Bedo e bwo loch yawuot Jerubaal, ma gin ji piero abiriyo duto, koso bedo e bwo loch ng’at achiel?’ Bende nyisgiuru ni nyaka ging’e ni an remo achiel kodgi.”