2 Samuel 4:5 - MUMA MALER 2015

⁵ Rekab kod Baana, ma yawuot Rimon ja-Beeroth, nodhi mochopo e od Ishbosheth godiechieng’ ka piny oore, mi giyudo koyueyo chieng’ makech.

Motingʼo Loko Manyien

⁵ Koro Rekab gi Baana, yawuot Rimon ja-Beeroth, ne owuok mondo odhi e od Ish-Boseth, negichopo odiechiengʼ tir sa ma piny liet, noyudo ka oyweyo.

2 Samuel 4:5 ပူးပေါင်းရင်းမြစ်များ

2 Samuel 11:2

Chieng’ moro kar sa ma dhok donjoe, Daudi noa e kitandane, ma noyudo oyueyoe, mowuotho ewi tat ode, mi nopo koneno dhako moro ka lwokore. Ne en dhako ma jaber ahinya.

2 Samuel 2:8

To noyudo ka Abner wuod Ner, ma jatend jolweny mag Saulo, osekawo Ishbosheth wuod Saulo, motero Mahanaim, loka Jordan.

2 Samuel 4:2

To Ishbosheth ne nigi jotend mony ariyo, achiel ne nyinge Baana, to machielo Rekab. Ne gin yawuot Rimon ja-Beeroth, ma ja-Benjamin,

1 Ruodhi 16:9

To Zimri, ma achiel kuom jotend geche mag lweny nojame, mokedo kode. E higa mar piero ariyo gabiriyo mar loch Asa ruodh Juda, kane oyudo Ela omer Tirza e od Arza mane jarit od ruoth,

2 Weche mag Ndalo 24:25

Kane jo-Aram osea, ne giweyo Joash kohinyore malit. Eka jodonge noriwone nikech remb wuod Jehoyada jadolo, mi ne ginege e kitandane. Kamano e kaka notho, mi ne giyike e dala Daudi, to ok kar yiko ruodhi.

2 Weche mag Ndalo 25:27

Chakre ndalo mane Amazia oweyoe Ruoth Nyasaye, jo-Jerusalem moko nojame, mi noringo nyaka Lakish. To ne gilawe, mi ginege kuno.

2 Weche mag Ndalo 33:24

Jodonge nojame, monege e ode.