2 Samuel 4:4 - MUMA MALER 2015

⁴ Jonathan wuod Saulo ne nigi wuode moro mane tiende ong’ol. Ne en jahigni abich kane wach tho Saulo gi Jonathan okel oa Jezreel, mi japite noting’e moringo kode. To kane oyudo japidino reto mondo otony, nyathi nogore piny mohinyore, kendo nodoko rang’ol. Nyinge ne Mefibosheth.

Motingʼo Loko Manyien

⁴ Jonathan wuod Saulo ne nigi wuowi mane tiendene ariyo duto ongʼol. Ne en ja-higni abich kane wach Saulo gi Jonathan obiro koa Jezreel. Japite ne okawe mi oringo, kane orikni mondo owuogi nyathi nogore piny mobet rangʼol. Nyinge ne en Mefibosheth.

2 Samuel 4:4 ပူးပေါင်းရင်းမြစ်များ

2 Samuel 21:7

To ne ok ochiwo Mefibosheth wuod Jonathan ma wuod Saulo, nikech singruok ma notimo gi Jonathan e nying Ruoth Nyasaye.

2 Samuel 9:13

Mefibosheth nodak Jerusalem, nikech nochiemo ndalo duto e mesa ruoth. To tiende duto nong’ol.

2 Samuel 9:3

Ruoth nomedo penje ni, “Dipo kodong’ie ng’at moro ma ja dhood Saulo, mondo atimne maber, kaka Nyasaye dwaro?” Ziba nodwoko ruoth niya, “Wuod Jonathan moro pod nitie, ma tiendene ong’ol”

2 Samuel 9:6

Kamano Mefibosheth wuod Jonathan, ma wuod Saulo nobiro ir Daudi, mogoyo chonge piny nyaka e lowo. Daudi noluonge niya, “Mefibosheth.” Mi nodwoke ni, “Antie ruoth.”

1 Ruodhi 11:17

Kane Hadad pod rawera, noringo odhi nyaka Misri, gi jo-Edom moko ma jotich wuon mare.

1 Weche mag Ndalo 8:34

Wuod Jonathan ne Meribaal. Meribaal nonywolo Mika,

1 Weche mag Ndalo 9:40

Wuod Jonathan ne Meribaal. Meribaal nonywolo Mika,

1 Samuel 29:1

Jo-Filistia nochoko jolweny duto kanyakla Afek, to jo-Israel nojot but thidhiya man Jezreel.

1 Samuel 29:11

Kamano Daudi gi joge nowuok gokinyi mang’ich, modok e piny jo-Filistia. Jo-Filistia to nodhi Jezreel.