2 Samuel 3:8 - MUMA MALER 2015

⁸ Abner nokecho ahinya nikech wachno, mi nodwoko Ishbosheth niya, “Ikawa ka guo Juda koso? Kinde duto asebedo jaadiera ni dhood Saulo wuoru, gi owetene kod osiepene, ka ok achiwi e lwet Daudi, to koro eka ichwanya kuom wach dhako!

Motingʼo Loko Manyien

⁸ Abner ne iye owangʼ ahinya nikech wach mane Ish-Boseth owachone mine odwoke niya, “Kare aromra mana gi wich guok e kind Juda? Kawuononi abolora e bwo loch wuonu ma Saulo gi joode kod osiepene. Pok achiwi e lwet Daudi. To kata kamano, iketho nyinga ni atimo richo gi dhakoni!

2 Samuel 3:8 ပူးပေါင်းရင်းမြစ်များ

2 Samuel 16:9

Abishai wuod Zeruya nowacho ni ruoth niya, “Marang’o iweyo guok mothoni kuong’i? Yiena mondo adhi ang’ad wiye oko.”

2 Samuel 2:8

To noyudo ka Abner wuod Ner, ma jatend jolweny mag Saulo, osekawo Ishbosheth wuod Saulo, motero Mahanaim, loka Jordan.

2 Samuel 3:18

Koro keteuru, nikech Ruoth Nyasaye osesingore kuome, ka wacho niya, ‘Gi lwet Daudi anares joga Israel e lwet jo-Filistia, kendo e lwet wasikgi duto.’ ”

2 Samuel 3:9

Nyasaye mondo okweda ka ok atimo ni Daudi kaka Ruoth Nyasaye nosingorene,

2 Samuel 5:2

E ndalo ruodhwa mokadho, kane Saulo pod ruodhwa, in ema nitelo ni jo-Israel e lwenjegi duto, kendo Ruoth Nyasaye nowachoni niya, ‘Inibed jakwadh joga Israel, kendo in ema nibed ruodhgi.’ ”

2 Samuel 9:8

Mefibosheth nochako okulorene, ka wacho niya, “An aana ni, an ng’a, momiyo itimona maber kamano! An machalo guok mothoni?”

2 Ruodhi 8:13

To Hazael nopenje ni, “To an anani, ere kaka danyal timo gima duong’ kamano?” Elisha nodwoke niya, “Ruoth Nyasaye osenyisa ni ibiro bedo ruodh Aram.”

Zaburi 76:10

Kata mana mirimb dhano keloni pak, kendo jogo motony e lweny nopaki e sewni ma gitimoni.

Isaya 37:23

To koro in, en ng’ano ma isejaro kendo iyanyo? Koso en ng’a ma isekokne ka ijowo wang’i? Nyaka ing’e ni en Ng’ama Ler mar Israel!

Rapar mar Chik 23:18

Pesa ma dhako moro kata ma dichwo moro oyudo kuom chode kik kel e Od Ruoth Nyasaye ma Nyasachu mondo ochopgo kuong’ruok, nikech pesa moyud kamano okwedi e nyim Ruoth Nyasaye ma Nyasachu.

1 Samuel 15:28

Eka Samuel nokone niya, “Kawuono Ruoth Nyasaye oyiecho loch Israel kuomi, kendo omiyo ng’at machielo, maber moloyo.

1 Samuel 17:43

Nopenjo Daudi niya, “Iparo ni an guok koso, mibirona mana gi kede?” Mi nokuong’o Daudi e nying nyisechene.