2 Samuel 3:35 - MUMA MALER 2015

³⁵ Ne gihoyo Daudi mondo ochiem, to piny ne pod odiechieng’, omiyo Daudi nokuong’ore, kawacho niya, “Nyasaye mondo okweda, kapo ni achiemo, kata abilo gimoro ka pok chieng’ opodho.”

Motingʼo Loko Manyien

³⁵ Eka giduto negibiro kendo gisayo Daudi mondo ochamie gimoro kar odiechiengʼ, to Daudi nosekwongʼore kowacho niya, “Mad Nyasaye ngʼadna bura kata obedo ni en malit manade ka dipo ni abilo chiemo kata chamo chiemo moro amora ka chiengʼ pok opodho.”

2 Samuel 3:35 ပူးပေါင်းရင်းမြစ်များ

2 Samuel 1:12

Ne gisedo ka giywago Saulo gi Jonathan wuode kod jo-Ruoth Nyasaye, ma tiende ni jo-Israel. Bende ne gitueyo chiemo nyaka piny oyuso, ka giparo joma otho e lwenygo.

2 Samuel 12:17

Jodong ode ne biro, kendo chung’ bute, ka dwaro chunge oa e lowo. To notamore kendo ne ok oyie mondo ochiem kodgi.

2 Samuel 3:34

Lweti ne ok otue, kata tiendi ne ok omaki gi ratege. To nitho mana kaka ng’ato tho e lwet joma richo!” Bang’e ji duto nomedo ywage.

2 Samuel 3:36

Wachno ne long’o ni ji duto ma nowinjo, mana kaka gik moko duto mane ruoth timo ne long’onigi.

2 Samuel 3:9

Nyasaye mondo okweda ka ok atimo ni Daudi kaka Ruoth Nyasaye nosingorene,

1 Weche mag Ndalo 10:12

thuondgi duto nowuok modhi oomo ringre Saulo gi ringre yawuote. Ne gikelogi Jabesh, mi giyiko chokegi kuno e tiend yath moro, kendo ne gitueyo chiemo kuom ndalo abiriyo.

Jeremia 16:7

Ka ng’ato ng’ate otho, to onge ng’ama nobi ochiem kode kata ometh kode mondo oduog chunye, bed ni wuon kata min ema otho.

Ezekiel 24:17

Chunyi to om aoma mos. Kik itim timbe mag ywak, kaka wuotho gi wich nono, kata wuotho gi tielo maonge wuoche. Bende kik ium dhogi, kata kik icham chiemo ma joywak chamo.”

Ezekiel 24:22

Kuwinjo wachno to unutim mana kaka Ezekiel osetimo. Ok unum dhou, kendo ok unucham chiemo ma joywak chamo.

Jong’ad Bura 20:26

Eka jo-Israel duto nodok Bethel, mi gibet kuno e nyim Ruoth Nyasaye, ka gilemo kendo giriyo kech nyaka odhiambo. Ne gitimo ni Ruoth Nyasaye misengni miwang’o pep, kod misengni mag sawo.

Ruth 1:17

Kama nithoe ema nathoe, kendo kanyo ema noyikae. Ruoth Nyasaye mondo okweda ka wach moro opoga kodi, kata da obed mana tho.”

1 Samuel 3:17

Eli nopenje niya, “Wach ang’o ma Ruoth Nyasaye onyisi? Asayi, kik ipandago. Nyasaye mondo okwedi kipanda wach moro kuom weche duto ma nowachoni.”