2 Samuel 3:29 - MUMA MALER 2015

²⁹ Rembe mondo obed ewi Joab, kendo kuom dhoode duto. E dhood Joab nyaka bedie ng’ama rembe chuer, kata ng’ama jadhoho, kata ng’at modere, kata ng’ama ochando chiemo!”

Motingʼo Loko Manyien

²⁹ Mad rembe bed ewi Joab gi ewi dhood wuon-gi duto! Mad e dhood Joab kik bedi ni onge ngʼama nigi adhola machwer kata ja-dhoho kata ngʼama wuotho gi luth kata ngʼama inego gi ligangla kata ngʼama ochando chiemo.”

2 Samuel 3:29 ပူးပေါင်းရင်းမြစ်များ

2 Samuel 1:16

Daudi nowacho niya, “Rembi obed e wiyi, nimar dhogi iwuon ema ong’adoni bura, kiwacho ni isenego ruoth mowir ma Ruoth Nyasaye oyiero.”

2 Samuel 16:8

Ruoth Nyasaye osechuloni kuor, nikech nichuero remb joka Saulo, ma nikawo lochne. Ruoth Nyasaye osemiyo Absalom wuodi loch. Koro masira osenwang’i, nimar in dhand remo.”

2 Samuel 3:28

Kane Daudi owinjo wachno, nowacho niya, “An, kod joga, waonge bura e nyim Ruoth Nyasaye kuom tho Abner wuod Ner nyaka chieng’.

2 Ruodhi 5:1

Naaman ne jaduong’ lweny mar ruodh Aram, kendo Ruoth Nyasaye nosekonye, komiyo jo-Aram loyo e lweny. Kuom mano, ne en ng’at ma ruodhe ogeno kendo morgo. Bende ne en ng’at maratego ma jachir. To ne en radhoho.

2 Ruodhi 5:27

Omiyo koro dhoho mar Naaman biro maki, kaachiel gi nyikwayi nyaka chieng’” Mi Gehazii noa kanyo kosedoko radhoho, ma dende rachar ka pe.

Zaburi 7:17

Abiro pako Ruoth Nyasaye kuom adiera mare. Abiro wero wende pak ni Ruoth Nyasaye Maduong’ Moloyo.

Wuok 21:19

kendo bang’e ochango, ma koro onyalo wuotho oko kata mana kosirore gi luth, to jal mane ogoyeno ok nobed gi bura. To nyaka ochul gimoro kuom kinde ma jalo oseketho, kendo nyaka one ni othiedhe, mochango chuth.

Tim jo-Lawi 15:2

ni mondo onyis jo-Israel ni: Ka nyot ng’ato owuok, kata koyudo tuo nyach machuer, to gima chuerno bedo mogak.

Kwan 35:33

Kik uketh pinyu gi remo kamano, nikech remo ketho piny, kendo pinyu ok nyal pwodhore kuom gak mar remo mochuer, mak mana ka opwodhe gi remb ng’at mane ochuero remono.

Tich Joote 28:4

Kane joma odak e chulano oneno ka thuol omoko e lwet Paulo kamano, ne giwacho niya, “Nyaka bed ni jali osenego ng’ato, to kata obedo ni osetony mak otho e nam kamano, to Nyasachwa makare ok noweye okwo!”

Rapar mar Chik 21:6

Bang’e jodongo duto mag dala machiegni gi ringruokno nyaka log lwetgi kuom nyaroya mosetur ng’ute e holo cha,

Fweny 16:6

nikech joma nochuero remb jo-Nyasaye kod jonabi isemiyo remo mondo omadhi!”

Jong’ad Bura 9:24

Mano notimore ni mondo nek marach mar yawuot Jerubaal piero abiriyo ochul ewi Abemelek owadgi ma nonegogi, kendo ewi jo-Shekem ma nokonye negogi.