2 Samuel 3:28 - MUMA MALER 2015

²⁸ Kane Daudi owinjo wachno, nowacho niya, “An, kod joga, waonge bura e nyim Ruoth Nyasaye kuom tho Abner wuod Ner nyaka chieng’.

Motingʼo Loko Manyien

²⁸ Bangʼe ka Daudi nowinjo wachni, nowacho niya, “An kod pinyruodha wanabed maler e nyim Jehova Nyasaye nyaka chiengʼ kuom remb Abner wuod Ner.

2 Samuel 3:28 ပူးပေါင်းရင်းမြစ်များ

Chakruok 4:10

Ruoth Nyasaye nopenje kendo niya, “Ang’o misetimoni? Winji! Remb owadu misechuero ywakna e lowo.

Chakruok 9:6

“Ng’at monego dhano, en bende nyaka nege, nikech Nyasaye nochueyo dhano e kite owuon.

2 Samuel 1:16

Daudi nowacho niya, “Rembi obed e wiyi, nimar dhogi iwuon ema ong’adoni bura, kiwacho ni isenego ruoth mowir ma Ruoth Nyasaye oyiero.”

2 Samuel 16:8

Ruoth Nyasaye osechuloni kuor, nikech nichuero remb joka Saulo, ma nikawo lochne. Ruoth Nyasaye osemiyo Absalom wuodi loch. Koro masira osenwang’i, nimar in dhand remo.”

2 Samuel 3:27

Kane Abner oduogo Hebron, Joab nobaro kode but rangach, ka gima odwaro wuoyo kode ling’ling’, mi nochwowo bund iye, monege, kochulo kuor nikech remb Asahel owadgi.

2 Samuel 3:29

Rembe mondo obed ewi Joab, kendo kuom dhoode duto. E dhood Joab nyaka bedie ng’ama rembe chuer, kata ng’ama jadhoho, kata ng’at modere, kata ng’ama ochando chiemo!”

Wuok 21:12

“Ngato ka ng’ato mogoyo wadgi monego, en bende nonege.

Kwan 35:33

Kik uketh pinyu gi remo kamano, nikech remo ketho piny, kendo pinyu ok nyal pwodhore kuom gak mar remo mochuer, mak mana ka opwodhe gi remb ng’at mane ochuero remono.

Mathayo 27:24

Kane Pilato oneno ni ok ginyal yie kode, kendo tulo ema dwaro wuok, nokawo pi, mologo e nyim ji, kowacho niya, “An aonge bura kuom remb ng’atni. Mano en wachu!”