2 Samuel 3:18 - MUMA MALER 2015

¹⁸ Koro keteuru, nikech Ruoth Nyasaye osesingore kuome, ka wacho niya, ‘Gi lwet Daudi anares joga Israel e lwet jo-Filistia, kendo e lwet wasikgi duto.’ ”

Motingʼo Loko Manyien

¹⁸ Koro sani timuru kamano! Nimar Jehova Nyasaye ne osingore ni Daudi ni, Ka akonyora gi jatichna Daudi abiro reso joga Israel oa e lwet Filistia kendo e lwet wasikgi duto.

2 Samuel 3:18 ပူးပေါင်းရင်းမြစ်များ

2 Samuel 3:9

Nyasaye mondo okweda ka ok atimo ni Daudi kaka Ruoth Nyasaye nosingorene,

2 Samuel 8:6

Noketo askeche ma jorit e piny jo-Aramgo, mi ne gibedo e bwo lochne, kendo ne gigolone osuru. Kuonde duto mane Daudi dhiye, Ruoth Nyasaye ne miye locho.

1 Samuel 13:14

To koro lochni ok nosiki. Ruoth Nyasaye osedwaro ng’at ma chunye mor godo, kendo osekete mondo obed jatend joge, nikech ne ok irito gima ne Ruoth Nyasaye ochiki.”

1 Samuel 15:28

Eka Samuel nokone niya, “Kawuono Ruoth Nyasaye oyiecho loch Israel kuomi, kendo omiyo ng’at machielo, maber moloyo.

1 Samuel 16:1

Ruoth Nyasaye nowacho ni Samuel niya, “Ibiro kuyo nyaka karang’o, to asedagi ni kik Saulo obed ruoth? Koro ol mo e tung’ni mondo aori ir Jesse ja-Bethlehem, nikech aseyiero wuode moro mondo obed ruoth.”

1 Samuel 9:16

“Kiny kar sa makama, anaorni ng’at moro moa e piny Benjamin. Wire mondo obed ruodh joga Israel. Enores joga e lwet jo-Filistia, nimar aseneno chandruok mar joga, kendo ywakgi osechopo ira.”