2 Samuel 3:1 - MUMA MALER 2015

¹ Lweny nodhi nyime e kind dhood Saulo gi dhood Daudi kuom ndalo momedore. Daudi nomedo locho, to dhood Saulo nomedo dok chien.

Motingʼo Loko Manyien

¹ Lweny mane ni e kind dhood Saulo gi dhood Daudi nodhi nyime kuom ndalo mangʼeny. Daudi nomedo bedo giteko ahinya, ka dhood Saulo to nomedo bedo manyap.

2 Samuel 3:1 ပူးပေါင်းရင်းမြစ်များ

Chakruok 3:15

Anaket sigu e kindi gi dhako, kendo e kind kothi gi kothe. Nyikwaye noto wiyi, to in nika ofunj tiendgi.”

2 Samuel 2:17

Negruokno nokelo lweny mager chieng’ono, kendo jo-Daudi noloyo Abner gi jo-Israel.

2 Samuel 2:28

Eka Joab nogoyo tung’, kendo ji duto nochung’. Ne giweyo lawo jo-Israel kendo kedo kodgi.

2 Samuel 22:44

Ne iresa kuom joma piem koda, kendo niketa jatelo mar ogendini, mi ji mane pok ang’eyo notiyona.

2 Samuel 3:6

Kane pod lweny dhi nyime e kind dhood Saulo gi dhood Daudi, Abner nomedo yudo duong’ e dhood Saulo.

2 Samuel 5:10

Duong’ mar Daudi koro nomedore ahinya, nikech Ruoth Nyasaye Manyalo Gik Moko Duto ne ni kode.

1 Ruodhi 14:30

Ne nitie lweny e kind Rehoboam gi Jeroboam ndalo duto.

1 Ruodhi 15:16

Ne nitie lweny e kind Asa gi Baasha ndalo duto mag ngimagi.

1 Ruodhi 15:32

Ne nitie lweny e kind Asa kod Baasha ruodh Israel e ndalo duto mag ngimagi.

1 Weche mag Ndalo 11:9

Duong’ mar Daudi koro nomedore ahinya, nimar Ruoth Nyasaye Manyalo Gik Moko Duto ne ni kode.

1 Weche mag Ndalo 3:1

Yawuot Daudi mane onywolo Hebron e magi: Wuode makayo ne Anon, ma min mare ne Ahinoam nyar Jezreel. Mar ariyo ne Daniel, ma min mare ne Abigail nyar Karmel.

Ayub 17:9

Bende ji maparo ni gin joma ogen medo neno ni adier gin ema gin kare.

Ayub 8:7

kendo mwandu ma obiro miyi nobed mang’eny, ma ok nyal pim gi mago mane olalni.

Zaburi 18:43

Ne iresa kuom joma piem koda, kendo ne iketa jatelo mar ogendini. Ji mane pok ang’eyo nolokore joga.

Zaburi 46:9

Otieko lwenje e piny duto. Oturo atunge kod tonge, kendo owang’o okumbni gi mach.

Zaburi 84:7

Teko medore ni jogo ameda, ka gidhi nyime gi wuodhgi. Gibiro neno Nyasach nyiseche e got Sayun!

Jo-Galatia 5:17

nikech gombo mar ngima dhano kedo gi dwaro mar Roho, kendo dwaro mar Roho kedo gi gombo mar ngima dhano. Gik moko ariyogo monre, omiyo ok unyal timo gik mudwaro timo.

Jo-Efeso 6:12

nimar wasigu mwakedogo ok gin dhano, to wakedo gi joloch gi joma nigi teko, kod ruodhi mag piny motimo mudhoni, kaachiel gi lang chuny maricho ma ok mag pinyni.

Fweny 6:2

Eka ne ang’icho mi aneno faras marachar. Ng’at moidhe noting’o atung’, kendo ne osidhne osimbo, mi nowuok kaka jalocho madhi mondo olochi.