2 Samuel 24:7 - MUMA MALER 2015

⁷ gi dala Turo mochiel gi ohinga kod mier duto mag jo-Hivi gi mag jo-Kanaan. Achien ne gidhi nyaka Beer-sheba, yo thim Juda.

Motingʼo Loko Manyien

⁷ Bangʼe negichiko dala mochiel gohinga mar Turo kod dala duto mag jo-Hivi kod mago mag jo-Kanaan. Mogik, negidhi Bersheba man Negev e piny Juda.

2 Samuel 24:7 ပူးပေါင်းရင်းမြစ်များ

2 Samuel 24:2

Omiyo ruoth nowacho ni Joab gi jotend lweny mane ni kode niya, “Dhiuru koro, uwuoth e dhout Israel duto, chakre Dan nyaka Beer-sheba, kukwano ji, mondo ung’e kar rombgi.”

2 Samuel 24:8

Bang’ dueche ochiko gi ndalo piero ariyo, kane gisewuotho e pinygi duto, ne giduogo Jerusalem.

Zekaria 9:3

Jo-Turom osegero ohinga ma gigeng’orego, kendo gisedhuro fedha gi dhahabu mana ka lowo.

Joshua 11:3

Nooro wach bende ni jo-Kanaan ma yo wuokchieng’ gi ma yo podho chieng’, kendo ni jo-Amor gi jo-Hiti gi jo-Perizi gi jo-Jebus ma nodak e piny gode, kod jo-Hivi ma nodak e tiend got Hermon e piny Mizpa.

Joshua 19:28

gi Abdon gi Rehob gi Hamon kod Kana, mochopo Sidon Maduong’.

Joshua 19:29

Eka tong’ nogomo mochomo Rama, nyaka Turo dala mochiel, kuma nogomoe kochiko Hosa, mogik e Nam Mediterenia. Yo podho chieng’ noting’o Mehalab gi Akzib

Joshua 9:1

Ruodhi duto ma nodak yo podho chieng’ mar Jordan nowinjo humb wechego. Ne gin ruodhi mag jo-Hiti, gi mag jo-Amor, gi mag jo-Kanaan, gi mag jo-Perizi, gi mag jo-Hivi, kod mag jo-Jebus, mane gin ogendini modak e gode, gi pewe kod e dho Nam Mediterenia nyaka Lebanon yo nyandwat.

Joshua 9:7

To jo-Israel nodwoko jo-Hivigo niya, “Ang’o ma dimi watim kodu winjruok mar kue? Kamoro udak mana machiegni kodwa.”

Jong’ad Bura 3:3

Ogendinigo e magi: ruodhi abich mag jo-Filistia gi jo-Kanaan duto, gi jo-Sidon kod jo-Hivi mane odak Lebanon, chakre god Baal-hermon nyaka kama idonjogo Hamath.