2 Samuel 24:24 - MUMA MALER 2015

²⁴ To ruoth nodwoke ni, “Ooyo, nyaka achuli, nikech ok natim ni Ruoth Nyasaye ma Nyasacha misengni gi gik mayudo nono.” Omiyo Daudi nochulo fedha ma dirom nus kilo, kong’iewogo kar dino kaachiel gi ruedhigo.

Motingʼo Loko Manyien

²⁴ To ruoth nodwoko Arauna niya, “Ooyo, nyaka achuli. Ok abi timo ne Jehova Nyasaye ma Nyasacha misango miwangʼo pep gi gik mayudo nono.” Omiyo Daudi nochulo fedha madirom nus kilo kongʼiewogo laru mar dino kaachiel gi rwedhi.

2 Samuel 24:24 ပူးပေါင်းရင်းမြစ်များ

Chakruok 23:11

“Ooyo ruoth, amiyi lowono duto, kaachiel gi rogo man kanyo. Amiyigo e nyim jowagi duto, mondo iyike ng’ati motho.”

Chakruok 23:13

mowacho ni Efron ka ji duto winjo, niya, “Erokamano, to winj gima akwayo. Adwaro ng’iewo lowono gi nengo mowinjore kode. Omiyo yie ikaw pesana, mondo ayik ng’ata kanyo.”

Chakruok 23:16

Ibrahim noyie gi nengo mane Efron osegoyo e nyim jo-Hiti, mi nomiye nus kilo mar fedha. Nopimogi gi rapim mane jolok ohala tiyogo.

1 Weche mag Ndalo 21:1

Koro Satan ne dwaro hinyo jo-Israel, mi nosundo Daudi mondo okwan gi.

1 Weche mag Ndalo 22:1

Omiyo koro Daudi nowacho niya, “Ma e kama od Ruoth Nyasaye nobedie, kaachiel gi kendo ma jo-Israel notimie misango.”

Jo-Rumi 12:17

Ka ng’ato otimonu marach, to kik uchulne kuor, to keturu chunyu kuom timo gik ma ji duto oyiego ni beyo.