2 Samuel 24:14 - MUMA MALER 2015

¹⁴ Daudi nodwoko Gad niya, “An gi masira maduong’, to ber mondo wabed e lwet Ruoth Nyasaye, nimar ng’wonone duong’. To kik abed e lwet dhano.”

Motingʼo Loko Manyien

¹⁴ Daudi nodwoko Gad niya, “An-gi chuny lit ahinya. Ber mondo alwar e lwet Jehova Nyasaye, nikech ngʼwonone duongʼ, to kik iweya alwar e lwet ji.”

2 Samuel 24:14 ပူးပေါင်းရင်းမြစ်များ

2 Samuel 9:8

Mefibosheth nochako okulorene, ka wacho niya, “An aana ni, an ng’a, momiyo itimona maber kamano! An machalo guok mothoni?”

2 Ruodhi 6:15

Ka ne ng’at Nyasaye ochiew gokinyi, nowuok oko, moneno oganda lweny man gi farese kod geche kolworo dala. Jatichne nowach niya, “Ruodha, wadiwo! Ti wanatim ang’o?”

1 Weche mag Ndalo 21:13

Daudi nodwoko Gad niya, “An gi masira maduong’, to ber mondo abed e lwet Ruoth Nyasaye, nimar ng’wonone duong’ gi lala. To kik abed e lwet dhano.”

Zaburi 119:156

to ng’wononi duong’, A Ruoth Nyasaye, omiyo mi abed mangima kaka chikni obet.

Zaburi 130:4

To in ing’wononwa, omiyo waluori.

Zaburi 130:7

Un jo-Israel, genuru kuom Ruoth Nyasaye, nikech herane osiko, kendo pile oikore ahinya mar reso ji.

Zaburi 145:9

Otimo maber ni ji duto, kendo okecho gik moko duto mane ochueyo.

Zaburi 51:1

A Nyasaye, kecha nikech herani mosiko! Ywe richona duto kuom ng’wononi maduong’.

Zaburi 86:15

Ruoth, in e Nyasaye ma jang’wono kendo makecho ji. Iyi ok wang’ piyo, kendo inyiso adierani kod herani mosiko.

Zaburi 86:5

A Ruoth Nyasaye, iber kendo ing’wono ni ji, bende inyiso herani mogundho ni ji duto maywakni.

Ngeche 12:10

Ng’at maber rito jambe gi ng’wono. Ng’at marach to sando jambe asanda.

Isaya 47:6

Kane mirima omaka gi joga, ne ajwang’ogi ka gima ok gin joga awuon, mi aketogi e tekoni. Ne ok ikechogi, to ne iketo kum mapek koda ka kuom joma oti.

Isaya 55:7

Joma timbegi mono mondo owe timbegi maricho kod paro mochido. Onego giduog ir Ruoth Nyasaye mondo okechgi. Adier, onego giduogi ir Nyasachwa, nimar nong’wonnigi richogi duto.

Jeremia 39:17

To an Ruoth Nyasaye anakonyi, kendo ok noketi e lwet joma iluorogo.

Ywagruok 3:22

hera mosiko mar Ruoth Nyasaye ochwere, kendo ng’wonone ok rum.

Daniel 9:9

In ijang’wono kendo iweyo ni ji richogi, kata obedo ni wan wasepiem kodi.

Jona 4:2

Omiyo nowacho ni Ruoth Nyasaye niya, “A Ruoth Nyasaye, kane pod an thurwa, donge nawacho ni ibiro timo gima kama? Mano emomiyo ne atemo ringo mondo adhi Tarshish, nikech nang’eyo ni in Nyasaye ma jang’wono, kendo makecho ji. Iyi ok wang’ piyo, kendo inyiso hera mosiko, bende chunyi lor a kuom kelo ni ji masira.

Mika 7:18

A Ruoth Nyasaye, onge Nyasaye moro maromo kodi. Iweyo ni jogi iwuon modong’ richogi, kendo ok ikechi nyaka chieng’, to iherowa gi hera mosiko.

Mika 7:19

Inichak ikechwa kendo, mi inyon richowa e tiendi, kendo inyumgi e bwo nam.

Zekaria 1:15

Akecho ahinya gi ogendini ma neno maber, nikech kane pok mirima omaka ahinya gi joga to ne gisandogi moloyo kaka owinjore.

Johana 12:27

“Koro chunya parore, to dawach ang’o? Dakwa Wuora mondo oresa kuom gima dwaro tima sanini? Ooyo, ok kamano, nikech mano e gimomiyo abiro e sani.

Jo-Filipi 1:23

nikech gik moko ariyogo beyona duto. To agombo ahinya ni aa, mondo adhi abed gi Kristo, nikech mano ema dibedna maber moloyo.

1 Samuel 13:6

To kane jo-Israel oneno ka wach otamo wang’gi, nikech nothung’gi ahinya, ne gipondo kamoro amora mane ginyalo tonyie, kaka buche gi bunge gi bugni kod sokni, kendo e kind lwendni.