2 Samuel 24:13 - MUMA MALER 2015

¹³ Omiyo Gad nodhi ir Daudi mopenje niya, “Ere gima iyiero? Idwaro mondo kech omak pinyu kuom higni adek? Koso idwaro ringo wasiki kuom dueche adek ka gilawi? Koso tho malit mondo obed e pinyu kuom ndalo adek? Parane, inyisa gima dadwok jal moora.”

Motingʼo Loko Manyien

¹³ Omiyo Gad nodhi ir Daudi mowachone niya, “Diyier mondo kech omak piny kuom higni adek? Koso diyier dweche adek kiringo wasiki malawi? Koso diyier ndalo adek mag masira? Koro par ane mondo imiya dwoko matero ni ngʼama ne oora.”

2 Samuel 24:13 ပူးပေါင်းရင်းမြစ်များ

2 Samuel 21:1

E ndalo Daudi ne nitie kech kuom higni adek, omiyo Daudi nopenjo Ruoth Nyasaye wach gimomiyo kejno obiro. Ruoth Nyasaye nodwoke niya, “Ketho ni kuom Saulo kod joodgi, nikech nochuero remb jo-Gibeon.”

2 Samuel 24:12

“Dhiyo inyis Daudi ni Ruoth Nyasaye osewacho kama: ‘Aketo gik moko adek e nyimi. Yier achiel kuomgi monego atimni.’ ”

2 Ruodhi 8:1

Elisha nosenyiso dhako mane ochierone wuode cha niya, “Dar gi joodi, udhi udag kamoro amora ma unyalo yudoe thuolo, nikech Ruoth Nyasaye biro kelo kech e piny kuom higni abiriyo.”

1 Weche mag Ndalo 21:12

Higni adek mag kech kata dueche adek ma wasiki lawoue kendo negou, kata ndalo adek ma Ruoth Nyasaye owuon kelonu tho ka dera marach biro e piny kendo malaika mar Ruoth Nyasaye nego ji e piny Israel duto. Koro nyisa gima dadwok Jal ma noora.”

Zaburi 91:6

Bende ok iniluor tho magoyo ji ka piny olil, kata tuoche manego ji ka piny ler.

Wuok 7:25

Pi nobet kolokore remo kuom ndalo abiriyo kane Ruoth Nyasaye osechwado aora Nael.

Ezekiel 14:13

“In wuod dhano, ka jopiny moro otimo richo kendo oweya, to anabi, mi aketh chambgi. Anakel kech mondo oneg ji kod jamni machalre.

Tim jo-Lawi 26:20

Unuketh tekreu nono kuchwoyo, nimar chambu ok nochiegi, kata mana yiendu bende ok nonyag olembe.

Tim jo-Lawi 26:25

Anakel lweny kuomu mondo achulgo kuor kuom ketho singruok ma ne atimo kodu, kendo kata kuchokoru e miechu to anagou gi tuoche kendo wasiku nomaku.

Luka 4:25

Adier awachonu ni ne nitie mond liete mang’eny e Israel e ndalo Elija, kane koth olal kuom higni adek gi nus mi kech maduong’ omako piny duto.

Rapar mar Chik 28:22

Ruoth Nyasaye biro goyou gi kahera gi midhusi gi tuo akuodi kod gwonyo, kendo kelonu oro, mi cham rochre ewi dongo. Gigo duto biro thagou nyaka urum.

Rapar mar Chik 28:25

Ruoth Nyasaye noketu e lwet wasiku, mi ginilou. Unurad kodgi ka un oganda achiel, to unuringi kuke e sidienje abiriyo, mi unubed joma pinje duto wuoro.

Rapar mar Chik 28:27

“Ruoth Nyasaye biro goyou gi tuo buche mag Misri gi akuodi kendo gi kalanga kod gwonyo ma ok nyal thiedhi.

Rapar mar Chik 28:35

Ruoth Nyasaye biro goyo chongeu kod tiendeu gi buche ma ok nyal thiedhi, to ginilandre e dendu duto.

Rapar mar Chik 28:52

Ginilwor mier duto ma Ruoth Nyasaye nomiu mondo gikau, nyaka gimuk ohinga maboyo kendo motegno muparo ni dugeng’rugo.

1 Samuel 25:17

Emomiyo koro, par gima onego itim, nikech gima rach biro timore ni ruodhwa. To nimar ing’eyo ni en ng’at machach, kendo onge ng’ama nyalo wuoyo kode.”