2 Samuel 23:5 - MUMA MALER 2015

⁵ Donge kamano e kaka oda obet e nyim Nyasaye, nikech osetimo koda singruok mosiko, mochan kare, kendo ma ok nyal lokore? Oseguedho gik moko ma konya, kendo ma adwaro.

Motingʼo Loko Manyien

⁵ Donge oda nikare e nyim Nyasaye? Donge Osesingore koda gi singruok mochwere, mochan kendo morit chuth? Donge obiro kelo olemb warruokna kendo miya gik ma chunya dwaro duto?

2 Samuel 23:5 ပူးပေါင်းရင်းမြစ်များ

Chakruok 9:16

Ka lihudu ochung’ e boche polo, to anane, kendo anapar singruokna mosiko e kinda kod gik mangima duto manie piny.”

2 Samuel 12:10

Emomiyo koro lweny ok norum e dhoodi, nikech isechaya, kendo isekawo chi Uria ja-Hiti obedo chiegi.’

2 Samuel 13:14

To kata kamano Amnon nodagi winje. Nomake moterore kode gi thwon.

2 Samuel 13:28

Absalom noloso chiemo mathoth, to noyudo osewacho ni jotichne niya, “Ka Amnon osemer, mi awachonu ni, ‘Negeuru,’ to unege. Kik uluor, nikech an awuon ema achikou. Beduru gi chir, kuikoru.”

2 Samuel 18:14

Joab nowachone niya, “An ok anyal galora kodi kamano.” Mi nokawo aserni adek, modhi ochielogo Absalom mane pod oliero e yath ka ngima.

2 Samuel 7:12

Kisetho, minindo e liel gi kwereni, to anaket achiel kuom yawuoti kari, kendo anagur lochne obed motegno.

2 Samuel 7:18

mi ruoth nodhi e nyim Ruoth Nyasaye, mobet piny. Nowacho niya, “A Ruoth Nyasaye, an ng’a, koso dhooda en ang’o momiyo isemiya duong’ ma kama?

1 Ruodhi 1:5

Adonija wuod Hagith nochako kawore, kaparo ni nobed ruoth. Nong’iewo geche lweny, gi joidh farese kod gi ji piero abich mane telo nyime.

1 Ruodhi 11:38

Kiwinjo wechena duto, kendo kiwuotho e yorena, mi itimo gima long’ona, kirito chikena kod buchena kaka Daudi jatichna notimo, eka nabed kodi, kendo nagur dhoodi mosiko, kaka naguro dhood Daudi; kendo anamiyi piny Israel.

1 Ruodhi 12:14

to noluwo rieko mbesene, kowacho niya, “Wuora nomiyou ting’ mapek, an to abiro medou moloyo. Wuora nochwadou gi del, an to abiro chwadou gi thomoni.”

Zaburi 111:9

Ne okelo warruok ni joge, mi otimo kodgi singruok mosiko. Mano kaka nyinge ler, kendo duong!

Zaburi 119:81

Siso oloyo chunya, A Ruoth Nyasaye, karito mondo iresa. To kata kamano wachni ema pod ageno.

Zaburi 27:4

Asekwayo Ruoth Nyasaye gimoro achiel kende, kendo mano ema adwaro moloyo; adwaro dak e ode kuom ngimana duto, mondo ane ber mare kendo alame e Hekalu mare.

Zaburi 62:2

En kende e lwandana kendo jawarna. Adier, en e kar konyruokna, omiyo ok anyal yiengni.

Zaburi 89:3

Ne iwacho niya, “Asetimo singruok gi Daudi, jatichna ma aseyiero, mowir gi mo,

Isaya 11:1

Bang’e nyakwar Jesse moro nowuogi, mana ka bad yath maloth.

Isaya 27:6

E ndalo mabiro, nyikwa Jakobo nogurre motegno. Ee, jo-Israel nobed ka yath ma dongo kendo thiewo nyaka nyag olemo, mi pong’ piny ngima.”

Isaya 4:2

E ndalogo, yath ma Ruoth Nyasaye osepidho nobed gi duong’ kendo nonere maber, bende olemo ma piny onyago ema nobed gima kelo ni jo-Israel motony mor kod pak.

Isaya 54:10

Kata da bed ni gode madongo lal nono, kendo gode matindo gol, to an herana ok nolal nono, bende singruok mar kue mane atimo ok nogol kuomi. An Ruoth Nyasaye ma kechoi ema awacho kamano.

Isaya 55:3

Biuru ira mondo uchik itu ni gima awacho. Adier, winjuru wachna mondo ubed mangima. Eka abiro timo kodu singruok mochwere, ka asingora ni abiro herou gi chunya duto, kaka ne ahero Daudi.

Isaya 61:8

nimar an Ruoth Nyasaye ahero adiera, to amon gi mecho kod timbe mamono. Omiyo abiro miyou pok ma ok lokre, mi atim kodu singruok mochwere.

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Jeremia 32:40

Anatim kodgi singruok mochwere ni ok nawe timonigi maber, kendo anami giluora gi chunygi duto, mi ok ginibar giweya.

Jeremia 33:21

to kara singruok mane atimo gi Daudi jatichna ni kinde duto nyakware ema nobed ruoth, bende nyalo kethore, kendo singruok mane atimo gi jodolo ma jo-Lawi ma tiyona bende dikethre.

Ezekiel 37:26

Abiro timo kodgi singruok mochwere makelonigi kue. Anami gimedre, mi aket Hekaluna e pinygi, kendo nobed kuno nyaka chieng’.

Amos 9:11

“Chieng’no anachung’ e dhood Daudi mosebet ka ot molokore gunda. Analos kuonde momukore mondo oduog maber. Abiro gere kendo, mi alose machal gi kaka nochal chon.

Tich Joote 13:34

To kuom chiero Yesu kuom joma otho mondo kik ochak otho kendo, nowacho niya, ‘Anamiu gueth maler kendo madier, mane asesingora ni Daudi.’

Jo-Hibrania 13:20

Nyasach kue mane ochiero Ruodhwa Yesu oa kuom joma otho gi teko mar remb muma mochwere, mi okete Jakwath Maduong’ mar rombe,

Jo-Hibrania 6:19

Genoni ema wan go. Ochalo gi loch mogur, motue chunywa kuome. Ok ong’ingni, to omoko matek ta. Okadho nanga mar rageng’, mi odonjo kama Ler Moloyo.

1 Samuel 2:35

Mi anaket jadolona awuon, ng’at ma jaadiera, ma notim duto manie chunya gi parona. Anagur dhoode mondo nyikwaye oti nyaka chieng’ ni Ruoth mayiero mowir.

1 Samuel 25:28

Asayi, wena kethona, nimar adier Ruoth Nyasaye nomi dhoodi bedo mosiko, nikech ikedo gi wasike. Onge masira ma biro nwang’i e ndaloni duto.