2 Samuel 23:17 - MUMA MALER 2015

¹⁷ kowacho niya, “Ruoth Nyasaye mondo orita kik amodh pigni, nikech ochalo mana remb jogo mane odhi ome, koyie wito ngimagi.” Mano emomiyo Daudi notamore modhe. Gik ma kamago ema thuondi adekgo ne timo.

Motingʼo Loko Manyien

¹⁷ Nowacho niya, “Yaye Jehova Nyasaye, ok datim ma ngangʼ! Donge ma en remb joma nodhi ka ok odewo ngimagi?” Kendo Daudi ne ok omodho pigno. Mago e gik mane thuondi adekgo otimo.

2 Samuel 23:17 ပူးပေါင်းရင်းမြစ်များ

Chakruok 44:17

To Josef nowachonigi niya, “Ooyo, ok anyal timo kamano. Mana jal moyud gi kikombe ema biro bedo misumbana. Jomoko kuomu modong’, to nyalo dok dala ir wuonu gi kue.”

Chakruok 9:4

To mak mana ni kik ucham gimoro mapok rembe ochuer piny, nikech remo e ngima.

2 Samuel 20:20

Joab nodwoke niya, “Ooyo, ok adwar tiekogi kata ketho gimoro!

1 Ruodhi 21:3

To Naboth nodwoko Ahab niya, “Mano kuero! Ok anyal miyi mwandu kwerena.”

1 Weche mag Ndalo 11:19

kowacho niya, “Nyasaye mondo orita kik amodh pigni, nikech ochalo mana remb jogo mane odhi ome koyie wito ngimagi.” Mano emomiyo Daudi notamore modhe. Gik makamago ema thuondi adekgo ne timo.

Zaburi 72:14

Ogologi e thagruok, kendo e timbe mahundu, nimar okwano ngimagi ka gima nengogi tek.

Tim jo-Lawi 17:10

“Ka ja-Israel moro amora kata japiny moro modak kuomu ochamo remo to anabed jasike, mi nang’ad kare oko kuom ogandagi,

Mathayo 26:28

nikech ma e remba, mochuer ni ji mang’eny, kitimonigigo Winjruok gi Nyasaye mondo owenigi richogi.

Mariko 14:24

Eka nowachonigi ni, “Ma e remba mochwer ni ji mang’eny kitimonigigo Winjruok gi Nyasaye.

1 Jo-Korintho 15:30

Koso wan to ere gima omiyo wayie bedo e masira seche duto?

Jong’ad Bura 5:18

To jo-Zebulun nochiwo ngimagi nyaka kar tho. Jo-Naftali bende nochiwore kamano e paw lweny mane nie got.

1 Samuel 2:30

Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.

1 Samuel 26:11

Kuero ngang’! Kik ater lweta kuom ruoth mowir ma Ruoth Nyasaye oyiero. To wakaw mana tong’ ma yo ka wiyeno, kod puga mar pino mondo wadhigo.”