2 Samuel 22:48 - MUMA MALER 2015

⁴⁸ En e Nyasaye mane omiya teko mar chulo kuor, koketo ogendini e bwo lochna,

Motingʼo Loko Manyien

⁴⁸ En e Nyasaye ma chulona kuor, maketo ogendini e bwoya,

2 Samuel 22:48 ပူးပေါင်းရင်းမြစ်များ

2 Samuel 18:19

Ahimaaz wuod Zadok nowacho niya, “We aring ater ni ruoth wach maber kaka Ruoth Nyasaye oserese e lwet wasike.”

2 Samuel 18:31

Eka ja-Kush bende nochopo, mowacho niya, “Ruoth akeloni wach maber, nikech Ruoth Nyasaye oseresi e lwet joma nopiem kodi.”

2 Samuel 4:8

Ne gikelo wi Ishbosheth Hebron, ni Daudi, mi giwachone niya, “Ruoth, wakeloni wi Ishbosheth wuod Saulo, jasiki, mane dwaro negi. Tinendeni Ruoth Nyasaye osechuloni kuor kuom Saulo, kendo kuom kothe.”

Zaburi 110:1

Ruoth Nyasaye ne owacho ni ruodha niya, “Bed abeda korachwich ka nyaka chop aket wasiki obed raten tiendi.”

Zaburi 144:2

En e kar konyruokna, kendo e ohingana. Bende en e jawarna kendo kara ma apondoe. En okumbana, kendo en ema ageno kuome. Oketo ogendini e bwo lochna.

Zaburi 94:1

A Ruoth Nyasaye, in Nyasaye machulo kuor. Nyiswa kaka ichalo!

1 Jo-Korintho 15:25

nimar Kristo nyaka bed gi loch nyaka chop Nyasaye ket wasike duto e bwo tiende.

Rapar mar Chik 32:35

nyaka chop chieng’ ma abiro chuloe kuor kendo kumogi mana chieng’ ma tiendgi nokierie, mi gipodh piny? Chieng’ mar masira, ma gibiro rumoe sudonigi machiegni!’

1 Samuel 24:12

Ruoth Nyasaye mondo ong’ad bura e kindwa kodi, kendo en ema onyalo chuloni kuor kuom gima isetimona. To an awuon to ok natimni marach.

1 Samuel 25:30

Chieng’ ma Ruoth Nyasaye osetimonie gik mabeyo duto mosesingoreni, kendo oseketi ruodh Israel,

1 Samuel 25:39

Kane Daudi owinjo ni Nabal osetho, nowacho niya, “Apako Ruoth Nyasaye mosechulo kuor kuom achaye ma nayudo kuom Nabal, kendo ma nogeng’ona ni kik atim richo. To Ruoth Nyasaye osedwoko richo Nabal e wiye owuon.” Eka Daudi nooro wach ni Abigail, mondo okende.