2 Samuel 22:47 - MUMA MALER 2015

⁴⁷ Ruoth Nyasaye nitie. En e lwandana! Pakeuru! Ee, odend nying Nyasacha, ma lwanda mar resruokna.

Motingʼo Loko Manyien

⁴⁷ “Jehova Nyasaye ngima! Pak obed ne Lwandana! Duongʼ obed ni Nyasaye, ma Lwanda kendo ma Jawarna.

2 Samuel 22:47 ပူးပေါင်းရင်းမြစ်များ

2 Samuel 22:3

Nyasacha, in e jaresna, gi lwandana ma ageng’orae. In e okumbana, gi teko mar resruokna. In e ohingana gi kar geng’ruokna, kendo jawarna in ema iresa kuom masiche mager.

Ayub 19:25

To ang’eyo ni ng’ato nitie e polo, ma nobi mondo ochwaka chieng’ giko.

Zaburi 89:26

Enowachna niya, ‘In e wuora kendo Nyasacha. Bende in e lwandana ma ageng’orae.’

Zaburi 89:27

Abiro miyo obed wuoda makayo, kendo ruoth maduong’ moloyoe ruodhi duto.

Wuok 15:2

Ruoth Nyasaye e tekona, kendo e wenda, En ema osewara. En e Nyasacha, kendo abiro pake. En e Nyasach wuora, kendo abiro miye duong’.

Luka 1:47

“Chunya pako Ruoth! Adier, amor nikech Nyasaye Jawarna,