2 Samuel 22:44 - MUMA MALER 2015

⁴⁴ Ne iresa kuom joma piem koda, kendo niketa jatelo mar ogendini, mi ji mane pok ang’eyo notiyona.

Motingʼo Loko Manyien

⁴⁴ “Iseresa e lwet jowa mane monja; iserita kaka jatelo mar ogendini. Joma ne ok angʼeyo nobet e bwo lochna,

2 Samuel 22:44 ပူးပေါင်းရင်းမြစ်များ

2 Samuel 19:14

Kamano noloko chuny jo-Juda duto, mi ne gibet gi chuny achiel, kendo ne giorone wach niya, “Duogi kaachiel gi jogi duto.”

2 Samuel 19:9

Koko maduong’ ne nitie e dhout Israel duto, ka ji penjore niya, “Ruoth Daudi noresowa e lwet wasikwa, kendo e lwet jo-Filistia, to koro oseringo oa e pinywa nikech Absalom nopiem kode.

2 Samuel 20:22

Eka dhakono nodhi ir jodalano duto, moloso kodgi gi rieko. Mi ne ging’ado wi Sheba wuod Bikri, kendo gidiro ni Joab. Omiyo Joab nogoyo tung’, kendo joge noweyo dalano, modok miechgi. To Joab nodok Jerusalem ir ruoth.

2 Samuel 3:1

Lweny nodhi nyime e kind dhood Saulo gi dhood Daudi kuom ndalo momedore. Daudi nomedo locho, to dhood Saulo nomedo dok chien.

2 Samuel 5:1

Dhout Israel duto nobiro Hebron ir Daudi, mi giwachone niya, “Ng’e ni wan mana remo achiel kodi.

Zaburi 110:6

Obiro ng’ado ni ogendini bura, mi omi ringre joma otho pong paw lweny. Adier, obiro loyo ruodhi e piny ngima.

Zaburi 18:43

Ne iresa kuom joma piem koda, kendo ne iketa jatelo mar ogendini. Ji mane pok ang’eyo nolokore joga.

Zaburi 2:8

Koro kwaya mondo amiyi ogendini duto, mondo piny ngima obed mari.

Isaya 55:4

Ne akete mondo obed jaote ni ogendini duto. Ee, nakete jatelo kendo japuonj ji.

Isaya 55:5

Kamano un bende unuluong ogendini ma ok ung’eyo mondo obi, mi ogendini ma ok ong’eyou noring ka biro iru, nikech Ruoth Nyasaye ma Ng’ama Ler mar Israel, osemiyou duong’.

Isaya 60:12

Ogendini gi pinje motamore tiyoni biro lal nono, mi kethre chuth.

Isaya 65:1

Ruoth Nyasaye wacho niya, “Ne antie mondo jogo mane ok dwara, omanya. Adier, ne aikora mondo joma ne ok manya, oyuda, ka awacho ni oganda mane ok lama ni, ‘Eri a! Eri a!’

Daniel 7:14

Eka ne oyudo teko gi duong’ kod loch mar rito piny, mondo ji manie piny ngima, bed ni gia e dhoot mane, kata giwacho dhok mane, otine. Tekone ne biro bedo mosiko, kendo lochne bende ne onge ng’ama nyalo ketho.

Hosea 2:23

Anapidh joga e pinyni, mi anami gidhi nyime maber. Anaher joma ne iluongo ni, ‘joma ok oher,’ kendo anawach ni joma iluongo ni, ‘joma ok joga,’ ni un joga, mi ginidwoka niya, ‘In Nyasachwa.’ ”

Jo-Rumi 15:12

Isaya bende wacho niya, “Nyakwar Jesse nobi. En ema nowuogi mondo obed ruodh joma ok jo-Yahudi, kendo en ema joma ok jo-Yahudi nogen kuome.”

Jo-Rumi 9:25

Mano oluwore gi gima Nyasaye owacho e kitap Hosea niya, “Ji mane ok joga, analuong ni joga. Adier, oganda mane ok ahero, analuong ni joma ahero,

Rapar mar Chik 28:13

Kurito chike mag Ruoth Nyasaye ma Nyasachu ma anyisou kawuono mondo urit matek,

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”