2 Samuel 22:36 - MUMA MALER 2015

³⁶ In Ruoth Nyasaye, isekelona resruok mobedona okumba, kendo konyni ema nomiyo abedo gi duong’.

Motingʼo Loko Manyien

³⁶ Imiya okumbani mar loch; ikulori piny mondo imi abed maduongʼ.

2 Samuel 22:36 ပူးပေါင်းရင်းမြစ်များ

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

Chakruok 15:1

Bang’ wechego Ruoth Nyasaye nofwenyore ni Abram, mowacho ne niya, “Abram, kik iluor! An okumbani, kendo pokni nobed maduong.”

Chakruok 22:17

Akuong’ora gi nyinga awuon ni kaka ok isetama e wuodi ma miderma, abiro guedhi moloyo, mi ami nyikwayi bed mang’eny ka sulue, kendo ka kuoyo mae dho nam. Nyikwayi nolo wasikgi,

Zaburi 115:14

Ruoth Nyasaye onego omiu nyithindo mang’eny, un kaachiel gi nyikwau.

Zaburi 18:35

In Ruoth Nyasaye isekelona resruok mobedona okumba, kendo lweti ma kor achwich osetega. Konyni bende osemiyo abedo gi duong’.

Zaburi 84:11

Ruoth Nyasaye e ohinga ma wageng’orego kendo e okumbawa. En ema oguedhowa gi ng’wono kod duong’. Ok otuon joma timo gik makare gimoro amora maber.

Jo-Efeso 6:16

Ting’uru yie ka okumba kinde duto, mondo uneggo aserni makakni ka mach mag Ng’ama Rach.

Jo-Efeso 6:17

Rwakuru warruok ka ogut lweny, kendo makuru wach Nyasaye ka ligangla ma Roho miyou.