2 Samuel 22:3 - MUMA MALER 2015

³ Nyasacha, in e jaresna, gi lwandana ma ageng’orae. In e okumbana, gi teko mar resruokna. In e ohingana gi kar geng’ruokna, kendo jawarna in ema iresa kuom masiche mager.

Motingʼo Loko Manyien

³ Nyasacha e lwandana, kuome ema apondoe, kendo en e okumbana kendo en e teko mar warruokna. En e ohingana, kar pondana, kendo jawarna en ema oresa kuom jo-mahundu.

2 Samuel 22:3 ပူးပေါင်းရင်းမြစ်များ

Chakruok 15:1

Bang’ wechego Ruoth Nyasaye nofwenyore ni Abram, mowacho ne niya, “Abram, kik iluor! An okumbani, kendo pokni nobed maduong.”

2 Samuel 22:31

Yor Nyasaye en yo malong’o. Osenon wach Ruoth Nyasaye, moyud ni en adier. Ruoth Nyasaye e okumba mar joma ogeno kuome.

2 Samuel 22:47

Ruoth Nyasaye nitie. En e lwandana! Pakeuru! Ee, odend nying Nyasacha, ma lwanda mar resruokna.

2 Samuel 22:49

Kendo kogola kuom wasika. En e Ruoth Nyasaye mane omiyo aloyo joma ne piem koda, kendo oresa kuom jomahundu.

2 Samuel 22:51

Nyasaye kelo resruok maduong’ ni ruoth moketo. Ee, ohero ng’at moyiero, gi hera mosiko, ma en mana Daudi, gi kotha nyaka chieng’.”

2 Samuel 23:3

Nyasach Jakobo, lwanda mar Israel, oseloso, kowacho niya, ‘Ka ruoth rito ji gi bura makare, nikech oluoro Nyasaye,

Zaburi 14:6

Gidwaro ketho cheno mag ng’at makare, to Nyasaye ema rite.

Zaburi 140:1

Ruoth Nyasaye, gola e lwet joricho, kendo konya e teko jomahundu.

Zaburi 140:11

Onego joma hango jowetegi kayiem nono kik lochi, kendo masira mondo omak jomahundu, mi tieki.

Zaburi 140:4

Rita, A Ruoth Nyasaye, kuom teko joma timbegi mono. Ee, konya kuom jomahundu madwaro tieka.

Zaburi 142:4

Arango batha koni gi koni, to ok ane ng’ama nyalo rita, kendo onge ng’ama dewa!

Zaburi 144:2

En e kar konyruokna, kendo e ohingana. Bende en e jawarna kendo kara ma apondoe. En okumbana, kendo en ema ageno kuome. Oketo ogendini e bwo lochna.

Zaburi 18:2

Nyasacha, in e jaresna, kendo lwandana ma ageng’orae. In e okumbana, gi teko mar resruokna, kendo in e ohingana.

Zaburi 27:5

E kinde mar chandruok to enopanda e ode. Ee, enokana maber e Hekalune, mi oketa ewi lwanda mabor mondo akwo.

Zaburi 28:7

Ruoth Nyasaye e tekra, kendo e okumbana. Asegeno kuome, mi okonya, omiyo amor kendo awerone wende pak.

Zaburi 3:3

To in Nyasaye, in e okumba mogeng’ona chandruok. Imiyo abedo jaloyo, kendo iduogo tekra.

Zaburi 32:7

In e kuma apondoe, omiyo ibiro resa e masira. Apaki gi dwol maduong’ nikech iwara kendo irita.

Zaburi 46:1

Nyasaye e kar konyruokwa, kendo e tekowa. En e jakonywa e kinde mag chandruok.

Zaburi 46:11

Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!

Zaburi 46:2

Kuom mano ok wanaluor kata ka piny yiengni, kendo gode mukore, mi lwar e kude mag nam,

Zaburi 46:7

Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!

Zaburi 5:12

nimar in Ruoth Nyasaye, iguedho joma oluori, kendo ng’wononi oritogi mana ka okumba.

Zaburi 55:9

A Ruoth, tiekgi kendo roch wechegi, nikech lweny kod timbe mag mahundu ema aneno e dala.

Zaburi 59:16

An to nabed ka apako tekoni. Okinyi kokinyi anawer kapako herani mosiko, nikech isebedona kar konyruok.

Zaburi 61:3

nimar in e kar konyruokna, kendo in e ohinga ma sirona wasigu.

Zaburi 71:7

Ngimana osebedo ka odhiero ji mang’eny, to in e jaritna maratego.

Zaburi 72:14

Ogologi e thagruok, kendo e timbe mahundu, nimar okwano ngimagi ka gima nengogi tek.

Zaburi 84:11

Ruoth Nyasaye e ohinga ma wageng’orego kendo e okumbawa. En ema oguedhowa gi ng’wono kod duong’. Ok otuon joma timo gik makare gimoro amora maber.

Zaburi 84:9

A Nyasaye, guedh ruodhwa ma ritowa. En e ruoth ma iseyiero, mowir gi mo.

Zaburi 86:14

A Nyasaye, josunga ma timbegi richo dwaro nega. Gin joma ok dewi.

Zaburi 9:10

A Ruoth Nyasaye, joma ong’eyi keto genoo margi kuomi, nimar in ok ijwang’ ng’ato ang’ata moringo obiro iri.

Zaburi 9:9

Ruoth Nyasaye ema joma ithiro ringo tony kuome, kendo en e kar kue e kinde mag chandruok.

Wuok 15:2

Ruoth Nyasaye e tekona, kendo e wenda, En ema osewara. En e Nyasacha, kendo abiro pake. En e Nyasach wuora, kendo abiro miye duong’.

Ngeche 18:10

Nying Ruoth Nyasaye chal gi dala mochiel motegno, ma ng’at makare nyalo ringo resoree.

Ngeche 30:5

“Nyasaye rito singruok duto motimo. En okumba ni jogo duto madwaro ni mondo okony.

Isaya 12:2

Adier, Nyasaye e jareswa. Wan gi geno kendo ok waluor, nimar Ruoth Nyasaye e kar konyruokwa, kendo e okumbawa. Osenyiso ni en e jareswa.”

Isaya 32:2

Adier, ng’at moro nobed ni ji ka kama gibwogoe koth gi yamo, bende noduog chuny ji mana ka aore mamol e piny motwo, kata ka tipo mang’ich mar lwanda maduong’, man e piny maliet ma chieng’ kechie.

Isaya 45:21

Biuru, uwach wachu ane, ka upenjoru ng’ato gi ng’ato. En ng’a mane okoro ni Kuros biro locho kamano? Koso en ng’a mane owacho chon ni gigo biro timore? Donge ne en mana an, Ruoth Nyasaye? Onge nyasaye moro mak man an, man gi loch, kendo manyalo reso ng’ato. Ooyo, onge moro mak mana an.

Jeremia 16:19

Eka Jeremia nolemo ka wacho kama: “A Ruoth Nyasaye, in ema imiya teko, kendo irita, bende in e kara ma abwokie e kinde mag chandruok. Ogendini moa tung’ piny ka tung’ piny nobi iri, kawacho niya, ‘Kwerewa ne lamo nyiseche manono ma gin mana kido ma onge tich.

Jeremia 16:9

An Ruoth Nyasaye Manyalo Gik Moko Duto awacho kama: Abiro tieko mor kod ilo ma jogo nigo, ma kata dwond mon ma miehni gi chwogi ok nowinj kaeri. Gigi duto notimre kapod gingima kendo gineno gi wang’gi!”

Luka 1:47

“Chunya pako Ruoth! Adier, amor nikech Nyasaye Jawarna,

Luka 1:69

Osekelonwa Jawar maratego, moa e dhood Daudi jatichne, mana kaka nosingore.

Luka 1:71

obiro resowa e lwet wasikwa, kendo e teko joma mon kodwa duto.

Rapar mar Chik 32:37

Enowach niya, ‘Nyisecheu ni kanye, lwanda mane udwaro yudo konyruok kuome?

Rapar mar Chik 32:4

En lwanda, ma tichne long’o, nikech yorene duto ni kare. En Nyasaye ma jaadiera, kendo maonge ketho, ma timbene kare, kendo ma jaratiro.

Rapar mar Chik 33:29

Ere joma mor ka un, un jo-Israel ma Ruoth Nyasaye owaro! Ruoth Nyasaye e kuot mogeng’ou, kendo en e liganglau mar duong’. Wasiku mondo obolrenu, kendo unyon hembko maggi gi tiendu.”

Tito 3:4

Kane ng’wono mar Nyasaye Jawarwa kod hera ma oherogo dhano ofwenyore,

Tito 3:6

Kuom Yesu Kristo Ruodhwa, Nyasaye noolo Roho mogundho kuomwa,

Jo-Hibrania 2:13

Owacho bende niya, “Anaket genona kuom Nyasaye.” Kendo owacho ni, “Eri, an ka, kaachiel gi nyithindo ma Nyasaye osemiya.”

1 Samuel 2:1

Hana nolamo Ruoth Nyasaye, kowacho niya, “Chunya il gi Ruoth Nyasaye, nimar osemedo tekona. Achayo wasika, kendo amor nikech oseresa.

1 Samuel 2:2

Onge nyasaye moro maler machal gi Ruoth Nyasaye, nikech onge moro, to mana en kende. Bende onge lwanda moro, machal gi Nyasachwa