2 Samuel 22:29 - MUMA MALER 2015

²⁹ A Ruoth Nyasaye, in e tacha. In e Nyasacha ma menyona mudho.

Motingʼo Loko Manyien

²⁹ In e tacha, yaye Jehova Nyasaye Jehova Nyasaye loko mudho momaka bedo ler.

2 Samuel 22:29 ပူးပေါင်းရင်းမြစ်များ

2 Samuel 21:17

To Abishai wuod Zeruya nobiro monego ja-Filistiano, mi Daudi otony. Bang’e jolwenj Daudi nosayo Daudi niya, “Kik ichak idhi kodwa e lweny, nimar dipo ka chieng’ moro onegi, to in ema ibedonwa ka taya e Israel.”

1 Ruodhi 11:36

Wuode to abiro miyo dhoot achiel, mondo Daudi jatichna obed gi taya maliel e nyima e Jerusalem, dala maseyiero mondo aketie nyinga.

Ayub 29:3

Nyasaye ne ni koda kinde duto, bende ne omenyona kuonde motimo mudho mane awuothoe.

Zaburi 112:4

Ong’won kendo okecho ji. En e ler marieny e mudho ni joma beyo.

Zaburi 18:28

A Ruoth Nyasacha, in ema imiya ler, kendo imenyona mudho.

Zaburi 27:1

Ruoth Nyasaye e lerna kendo e warruokna, omiyo ere ng’ama daluor? Ruoth Nyasaye e kar konyruokna, omiyo ok daluor ng’ato.

Zaburi 4:6

Ji mang’eny wacho niya, “Mano kaka wagombo yudo gueth! A Nyasaye, ting’ wang’i mondo irangwa gi ng’wononi!”

Zaburi 84:11

Ruoth Nyasaye e ohinga ma wageng’orego kendo e okumbawa. En ema oguedhowa gi ng’wono kod duong’. Ok otuon joma timo gik makare gimoro amora maber.

Zaburi 97:11

Ler rieny kuom joma kare, kendo mor mana ni kuom joma beyo.

Isaya 50:10

Ere ng’ato kuomu moluoro Ruoth Nyasaye, kendo winjo dwond jatichne, bende ma wuotho kuonde motimo mudho, to ok ne ler kata matin? Ng’at ma kamano mondo ogen kuom Ruoth Nyasaye.

Mika 7:9

Aseketho e nyim Ruoth Nyasaye omiyo ayie mirimbe nyaka ochwaka, mi ong’adna bura maber, kendo ogola oko e ler, mi ane ni otimo gima kare kaka nosingore.

Malaki 4:2

To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

Johana 12:46

An e ler, kendo asebiro e piny mondo ng’at moyie kuoma kik sik e mudho.

Johana 8:12

Yesu nomedo puonjo ji, kowacho ni, “An e ler mar piny. Ng’at moluwa ok nowuoth e mudho, to nobed gi ler mar ngima.”

Fweny 21:23

Dalano ok dwar chieng’ kata due marieny kuome, nikech duong’ maler mar Nyasaye ema miye ler, kendo Nyarombo e tache.