2 Samuel 22:24 - MUMA MALER 2015

²⁴ Aonge gi ketho e nyim Ruoth Nyasaye kendo aseritora kuom richo.

Motingʼo Loko Manyien

²⁴ Asebedo maonge ketho e nyime, kendo aseritora mondo kik atim richo.

2 Samuel 22:24 ပူးပေါင်းရင်းမြစ်များ

Chakruok 17:1

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto,

Chakruok 6:9

Ma e sigand Nowa: Nowa ne en ng’at makare. En kende ema ne oonge gi ketho e ndalogo, kendo nowuotho gi Nyasaye.

Chakruok 7:1

Ruoth Nyasaye nowacho ni Nowa niya, “Donj e yie kod joodi duto, nikech aseneno ni in kendi e ng’at makare e nyima kuom ji duto manie piny.

Ayub 1:1

Ne nitie ng’at moro ma nyinge Ayub, mane odak e piny Uz. Ne en ng’at makare kendo maler, mane oluoro Nyasaye, kendo otang’ ni richo.

Zaburi 17:1

A Ruoth Nyasaye, winj kwayona makare, kendo chik iti ni ywakna. Yie iwinj lemona, nimar aonge gi miganga.

Zaburi 51:6

To chuny man gi adiera ema idwaro, omiyo pong’ parona gi riekoni.

Zaburi 84:11

Ruoth Nyasaye e ohinga ma wageng’orego kendo e okumbawa. En ema oguedhowa gi ng’wono kod duong’. Ok otuon joma timo gik makare gimoro amora maber.

Ngeche 4:23

Chunyi e kama ngimani ochakoree, emomiyo rite ka mwanduni migenoe moloyo.

Johana 1:47

Kane Yesu oneno Nathaniel kabiro ire, nowacho ni, “Neuru! Ja-Israel hie e cha biro. En ng’ama kare, ma onge miganga.”

2 Jo-Korintho 5:11

Wang’eyo ni tiend luoro Ruoth en ang’o, emomiyo wayuayo ji. Nyasaye ong’eyo chutho ngimawa kaka chal, kendo ageno ni un bende ung’eyowa maber e chunyu maiye kaka wachal.

Jo-Efeso 1:4

Kuom herane, noyierowa kuom Kristo kapok ochue piny, mondo wabed maler kendo maonge mbala e nyime.

Jo-Kolosai 1:21

Chon un ne un mabor gi Nyasaye, kendo ne un wasike, nikech timbe manono mane utimo, kendo uparo.

Jo-Kolosai 1:22

To koro kuom tho mane Wuode othogo e ringruok, Nyasaye osemiyo ubedo gi winjruok kode mondo okelu e nyime kuler, kuonge mbala, kendo kuonge ketho.

Jo-Hibrania 12:1

Emomiyo ka koro oganda mang’ongo mar joneno opie molworowa ka bor polo kama, to wan bende waweuru ting’ duto kod richo maduodowa, kendo waringuru matek, kwanano ni ng’uech moseketwae.