2 Samuel 22:21 - MUMA MALER 2015

²¹ Ruoth Nyasaye ne opoga pok mowinjore gi timna makare. Nochula moromo gi tichna maler,

Motingʼo Loko Manyien

²¹ “Jehova Nyasaye osetimona mana maromre gi timna makare; osechula kaluwore gi tich lweta maler.

2 Samuel 22:21 ပူးပေါင်းရင်းမြစ်များ

2 Samuel 22:25

Omiyo osemiya pok mowinjore gi timna makare, kendo moromo gi timna malong’o e nyime.

1 Ruodhi 3:6

Solomon nodwoke niya, “Ninyiso hera mosiko ni Daudi wuora ma jatichni, mane wuotho e nyimi gi adiera, kendo kuom dimbruok gi chuny makare. Bende pod inyise hera mosikono nyaka chil kawuono, nimar isemiyo wuode obedo ruoth kare.

1 Ruodhi 8:32

to iwinj e polo, kendo ing’ad buch jotichni, kikumo ng’at moketho, kendo kidwoko richone e wiye owuon. To jal makare mondo iket kare, kimiye pok moromo gi timne maber.

Ayub 17:9

Bende ji maparo ni gin joma ogen medo neno ni adier gin ema gin kare.

Zaburi 19:11

A Ruoth Nyasaye, bucheni miya rieko, an jatichni, kendo ng’ama ritogi yudo pok mabup.

Zaburi 24:4

Ng’atno nyaka bed mana ng’at ma timbene beyo, kendo ma chunye long’o. En ng’at ma ok lam nyiseche manono, kendo ma ok kuong’re gi miriambo.

Zaburi 7:8

A Ruoth Nyasaye, in e jang’ad bura ni ji duto, omiyo ng’adna bura maber, nikech an kare kendo aonge ketho.

Ngeche 11:31

Ka ng’at maber yudo pokne e piny ka, to ong’ere ni jaricho noyud kum mak orem.

1 Jo-Korintho 15:58

Emomiyo owetena mahero, chung’uru motegno ma ok ung’ingni, kutiyo matek pile e tich Ruoth, kendo kung’eyo ni tich mutiyo kuom Ruoth ok nobed kayiem nono.

Jakobo 4:8

Nyasaye to kusudo ire to nosud iru. Un joricho, lwokuru luetu, kendo un johubagabaga, puodhuru chunyu.

1 Samuel 26:23

Ruoth Nyasaye ema miyo ng’ato ka ng’ato pok mowinjore gi timne makare kod adierane. Ruoth Nyasaye nende oketi e lweta, to nadagi tero lweta kuom ruoth mowir ma Ruoth Nyasaye oyiero.