2 Samuel 21:7 - MUMA MALER 2015

⁷ To ne ok ochiwo Mefibosheth wuod Jonathan ma wuod Saulo, nikech singruok ma notimo gi Jonathan e nying Ruoth Nyasaye.

Motingʼo Loko Manyien

⁷ To ruoth ne ongʼwono ma ok ochiwo Mefibosheth wuod Jonathan, ma wuod Saulo, nikech singruok mane Daudi gi Jonathan wuod Saulo otimo e nyim Jehova Nyasaye.

2 Samuel 21:7 ပူးပေါင်းရင်းမြစ်များ

2 Samuel 16:4

Eka ruoth nowacho ni Ziba niya, “Gik moko duto mag Mefibosheth koro amiyi.” Ziba nodwoke ni, “Erokamano ruoth. Mad isik kigena kamano.”

2 Samuel 19:25

Kane Mefibosheth ochopo koa Jerusalem, mondo orom ni ruoth, ruoth nopenje niya, “Mefibosheth, marang’o ne ok idhi koda?”

2 Samuel 4:4

Jonathan wuod Saulo ne nigi wuode moro mane tiende ong’ol. Ne en jahigni abich kane wach tho Saulo gi Jonathan okel oa Jezreel, mi japite noting’e moringo kode. To kane oyudo japidino reto mondo otony, nyathi nogore piny mohinyore, kendo nodoko rang’ol. Nyinge ne Mefibosheth.

2 Samuel 9:1

Daudi nopenjo niya, “Dipo kodong’ie ng’at moro ma ja dhood Saulo koso, mondo atimne maber, nikech hera mane aherogo Jonathan?”

2 Samuel 9:10

In kod yawuoti gi wasumbi nyaka upurne puothene, kendo ukelne cham monyakie, mondo jood nyakwar ruodhu oyud chiemo. Mefibosheth owuon to abiro miyo chiemo ndalo duto.”

2 Samuel 9:6

Kamano Mefibosheth wuod Jonathan, ma wuod Saulo nobiro ir Daudi, mogoyo chonge piny nyaka e lowo. Daudi noluonge niya, “Mefibosheth.” Mi nodwoke ni, “Antie ruoth.”

2 Samuel 9:7

Daudi nowachone niya, “Kik iluor, nimar abiro timoni maber nikech hera ma naherogo Jonathan wuoru. Abiro dwokoni puothe duto mane mag Saulo kwaru, kendo anamiyi chiemo pile.”

Eklesiastes 8:2

Nyaka itim gima jatelo owacho, kendo kik irikni kisingore ni ibiro chiwo ni Nyasaye gimoro.

1 Samuel 18:3

Jonathan gi Daudi ne joherore ahinya, omiyo ne gikuong’ore ni osiep manie kindgi ok norum.

1 Samuel 20:12

Eka Jonathan nowacho ni Daudi niya, “Akuong’ora e nying Ruoth Nyasaye ma Nyasach Israel ni kiny kata orucha, sa makama, nang’e gima wuora paro. Ka ayudo ni wach ber kuomi, to nanyisi.

1 Samuel 20:15

to ibed jaadiera ni oda nyaka chieng’. Ka Ruoth Nyasaye otieko wasiki duto e piny,

1 Samuel 20:17

Jonathan nochako okuong’ore ni Daudi kendo, nikech nohere mana kaka noherore owuon.

1 Samuel 20:42

Jonathan nowacho ni Daudi niya, “Dhiyo gi kue. Wasesingore e nying Ruoth Nyasaye mobedo janeno e kindwa kodi, kendo e kind nyikwaya gi nyikwayi nyaka chieng’.” Eka Daudi nochung’, modhi, to Jonathan nodok dala.

1 Samuel 20:8

Emomiyo koro bedna jaadiera, nimar nikuong’orina e nyim Ruoth Nyasaye ni osiep manie kindwa ok norum. To ka aseketho, to nega in iwuon. Ang’o ma dimi itera ir wuoru?”

1 Samuel 23:18

Mi ne gikuong’ore e nyim Ruoth Nyasaye ni osiep manie kindgi ok norum. Bang’ mano, Jonathan nodok dala, to Daudi nodong’ Horesh.

1 Samuel 24:22

Mi Daudi nokuong’orene kamano. Eka Saulo nodok dala, to Daudi gi joge nodok e rogo mane gidakie.