2 Samuel 21:17 - MUMA MALER 2015

¹⁷ To Abishai wuod Zeruya nobiro monego ja-Filistiano, mi Daudi otony. Bang’e jolwenj Daudi nosayo Daudi niya, “Kik ichak idhi kodwa e lweny, nimar dipo ka chieng’ moro onegi, to in ema ibedonwa ka taya e Israel.”

Motingʼo Loko Manyien

¹⁷ To Abishai wuod Zeruya nobiro moreso Daudi mi nogoyo ja-Filistia monego. Eka jolweny mag Daudi nosingorene kawacho niya, “Ok inichak iwuog kodwa kidhi e lweny, nikech dipo ka tach Israel otho.”

2 Samuel 21:17 ပူးပေါင်းရင်းမြစ်များ

2 Samuel 14:7

To koro joodwa duto okayona, kawacho niya, ‘Gol jal mane onego owadgi, mondo wanege kar owadgino.’ Kuom mano, digineg jacham mwandu bende. Gidwaro lung’o kara duto pep, mak giweyo nying chwora kata kothe e piny.”

2 Samuel 18:2

Nopogo jolweny e migepe adek. Migawo achiel noketo e bwo Joab, to moro e bwo Abishai wuod Zeruya, omin Joab, kendo mar adek e bwo Itai ja-Giti. Nowacho ni jolweny niya, “An bende adhi kodu e lweny.”

2 Samuel 18:3

To jolweny nodwoke ni, “Ok didhi kodwa, nikech wan kata kapo ni waringo, kata kapo ni ginegowa mathoth, to mano ok gimoro. To in iromri gi ji alufu apar kuomwa. Emomiyo owinjore idong’ mondo ikonywa gi ka.”

2 Samuel 22:19

Ne gimonja ka anie masira, to Ruoth Nyasaye ema nokonya.

2 Samuel 22:29

A Ruoth Nyasaye, in e tacha. In e Nyasacha ma menyona mudho.

1 Ruodhi 11:36

Wuode to abiro miyo dhoot achiel, mondo Daudi jatichna obed gi taya maliel e nyima e Jerusalem, dala maseyiero mondo aketie nyinga.

1 Ruodhi 15:4

To kata kamano, Ruoth Nyasaye ma Nyasache noketo wuode ruoth kare, mondo obedne ka taya maliel e Jerusalem mana nikech nying Daudi, kendo nomiyo Jerusalem ogurore,

Zaburi 132:17

Kanyo ema naketie nyakwar Daudi moro ruoth maduong’. Adier, kanyo ema nyikwa ruoth ma aseyiero biro bedoe gi loch.

Zaburi 144:10

Imiyo ruodhi locho, kendo ireso Daudi jatichni.

Zaburi 46:1

Nyasaye e kar konyruokwa, kendo e tekowa. En e jakonywa e kinde mag chandruok.

Jeremia 40:15

Eka Johanan nowachone ling’ling’ niya, “We mondo adhi aneg Ishmael, kendo onge ng’ama biro ng’eyo ni an ema anege. Ere gima omiyo diwe mondo onegi, to mano nyalo miyo jo-Yahudi duto moseduogo iri ke, mi ji duto modong’ e Juda rum?”

Johana 5:35

Johana ne en taya marieny maler, kendo kuom kinde moko ne uyie mondo lerno omiu mor.