2 Samuel 21:16 - MUMA MALER 2015

¹⁶ Ne nitie ja-Refaim moro mathwon, ma pek tong’e ne dirom kilo adek. Noting’o ligangla manyien, kendo noparo ni doneg Daudi.

Motingʼo Loko Manyien

¹⁶ To Ishbi-Benob ma en achiel kuom nyikwa Rafa, mane omanore gi tongʼ ma pek mula mane olosgo wiye ne romo kilo adek gi nus kendo ne en-gi ligangla manyien, nowacho ni obiro nego Daudi.

2 Samuel 21:16 ပူးပေါင်းရင်းမြစ်များ

Chakruok 14:5

E higa mar apar gang’wen, Kedor-laomer kod ruodhi mane oriwore kode nobiro gi jolwenjgi, kendo ne giloyo jo-Refaim e Ashteroth-karnaim, gi jo-Zuzim e Ham, gi jo-Emim e paw Kiriathaim,

Chakruok 6:4

E ndalogo kod ndalo moluwo mano, ne nitie joma rabede miwuoro e piny, mane nyi dhano kod yawuot Nyasaye onywolo. Jogo ne thuondi kendo ne joma nigi huma e ndalo machon-go.

2 Samuel 21:18

Bang’ mano, lweny nochako owuok e kind jo-Israel gi jo-Filistia, mi ne gikedo Gob. E lwenjno Sibekai ja-Husha nonegoe Saf ma ja-Refaim.

2 Samuel 21:20

Lweny nochako owuok e Gath, kama ne nitie ng’at magana ma rabora man gi lith lwedo auchiel gi lith tielo auchiel koni gi koni. Lith lwetene gi mag tiendene duto koriw ne romo piero ariyo gang’wen. Jalo bende ne ja-Refaim.

2 Samuel 21:22

Ji ang’wen-go duto ne jo-Refaim ma oganda joma rabede, to Daudi gi joge nonegogi duto.

2 Samuel 5:18

Kane jo-Filistia ochopo, ne giyaro ni lweny e paw holo mar Refaim.

Kwan 13:22

Ne giidho ka ging’ado piny milambo, mi gichopo Hebron, kuma ne Ahiman gi Sheshai kod Talmai ma nyikwa Anak odakie. (Hebron noger higni abiriyo kapok oger Zoan man e piny Misri.)

Kwan 13:28

mi wanwang’o ni en piny maber kendo momew, kendo magi e olembe manyak kuno. To jopinyno rateke, kendo miechgi ochiel motegno malich, kendo ne waneno nyikwa Anak kuno,

Rapar mar Chik 1:28

Ang’o ma wabiro yudo kuno ka wadhi? To jowetewa mane waoro osenego chunywa, ka wachonwa ni ji man kuno rabede kendo boyo mohewowa! Bende ginyisowa ni mier man kuno dongo, kendo nigi ohinga maboyo mochopo e polo. To kendo nyikwa Anakim bende gineno kuno!’

Rapar mar Chik 2:10

(Jo-Emim mane oganda maratego ahinya, kendo mane nigi ji mang’eny nosedak kuno e kinde moko. Ne gin joma raboche mana ka jo-Anakim.

Rapar mar Chik 2:11

Ji ne luongogi ni jo-Refaim, mana kaka niluongo jo-Anakim, to jo-Moab ne luongogi ni jo-Emim.

Rapar mar Chik 2:21

Ne gin oganda maratego ahinya, kendo mane nigi ji mang’eny. Ne gin joma raboche mana ka jo-Anakim, to Ruoth Nyasaye notiekogi, kane gitemo geng’o ni jo-Amon mane monjogi, mi jo-Amon nokawo pinygi mi odakie.

Rapar mar Chik 3:11

(Og ruodh Bashan kende ema nodong’ kuom jo-Refaim. Sandug liende, molos gi kite maratenge, pod ni Raba dala jo-Amor nyaka chil kawuono. Borne chiegni romo mita abich, to lachne mita ariyo.)

Rapar mar Chik 9:2

Gin joma dongo kendo maboyo ma nyikwa Anakim, kaka ung’eyo, nimar usewinjo ka iwacho niya, ‘Ere joma nyalo siro nyikwa Anakim?’

Joshua 11:22

Onge jo-Anak ma nodong’ kata achiel e piny mane jo-Israel okawo, mak mana mago ma nodak Gaza gi Gath kod Ashdod.

Joshua 15:14

Kaleb nodaro jo-Anak adek ma nodak kuno, ma nyinggi Sheshai gi Ahiman kod Talmai. Ne gin nyikwa Anak.

1 Samuel 17:7

Bond tonge ne chalo lodi, kendo pek mar wi tonge ne dirom kilo abiriyo. Jating’ kuode ne wuotho e nyime, kotelone.