2 Samuel 20:9 - MUMA MALER 2015

⁹ Nomoso Amasa, kopenje niya, “In nadi, omera?” Eka nomako yie tik Amasa gi lwete ma korachwich mondo onyodhe.

Motingʼo Loko Manyien

⁹ Joab nowachone Amasa niya, “Idhi nade owadwa?” Eka Joab nomako Amasa gi yie tike gi lwete ma korachwich ka gima odwaro mose gi nyoth.

2 Samuel 20:9 ပူးပေါင်းရင်းမြစ်များ

2 Samuel 15:5

Pile kane ng’ato obiro ire, kendo okulorene ka miye duong’, Absalom ne rieyo lwete ka mose, kendo ka nyodhe.

2 Samuel 17:25

Absalom noseketo Amasa mondo obed jatend jolweny kar Joab. Amasa ne wuod ja-Ishmael ma nyinge Ithra, ma nokendo Abigail nyar Nahash, ma nyamin Zeruya ma min Joab.

2 Samuel 18:29

Ruoth nopenje niya, “To rawera ma Absalom ngima koso?” Ahimaaz nodwoke niya, “Kane Joab oora, nawinjo mahu maduong’, to ne ok ang’eyo gima otimore.”

2 Samuel 3:27

Kane Abner oduogo Hebron, Joab nobaro kode but rangach, ka gima odwaro wuoyo kode ling’ling’, mi nochwowo bund iye, monege, kochulo kuor nikech remb Asahel owadgi.

1 Ruodhi 2:32

Ruoth Nyasaye biro kume kuom remo ma nochwero, nikech nonego ji ariyo makare moloyo gi ber. Nonego Abner wuod Ner, jatend jolweny mag Israel, kod Amasa jotend jolweny mag Juda kane Daudi wuora kia.

Zaburi 55:21

En jambola, to chunye opong’ gi sigu. Adier, wechene yom ka mo, to kara gibitho mana ka ligangla mowuodhi e olalo!

Ngeche 26:23

Weche mamit mawuok e chuny marach chalo gi agulu mochue marachrach, to owir gi range mang’ang’ni.

Ngeche 27:6

Osiepni, kata ka ogoyi, to otimo kamano nikech oheri. Jasigu to kata ka omosi gi mor, to mosneno oting’o masira.

Jeremia 41:2

Ishmael gi joge apargo noa malo monego Gedalia mane ruodh Babulon oseketo mondo obed jatend piny Juda.

Mika 7:2

Ji moluoro Nyasaye oserumo e piny Israel, kendo onge kata ng’at achiel makare modong’. Ji duto kichore ni chuero remo, kendo ng’ato ka ng’ato chiko mana ni wadgi obadho.

Jong’ad Bura 3:15

To kane jo-Israel oywak ni Ruoth Nyasaye mondo okonygi, Ruoth Nyasaye nomiyogi ng’ato moresogi. Ne en Ehud wuod Gera ja-Benjamin, mane ng’at ma racham. Chieng’ moro jo-Israel noore mondo odhi ochul osuchgi ni Eglon ruodh Moab.