2 Samuel 20:6 - MUMA MALER 2015

⁶ Eka Daudi nowacho ni Abishai niya, “Koro Sheba wuod Bikri biro hinyowa moloyo Absalom. Omiyo, dhiyo gi jolwenja, ilawe, nimar dipo ka odonjo e mier mochiel gohinga, kendo dotony moa e lweta.”

Motingʼo Loko Manyien

⁶ Daudi nowachone Abishai niya, “Koro Sheba wuod Bikri biro hinyowa moloyo kaka Abisalom notimo. Kaw jolwenj ruodhi mondo ilawe, ka ok kamano to onyalo yudo mier madongo mochiel mi odonjie kendo olalnwa.”

2 Samuel 20:6 ပူးပေါင်းရင်းမြစ်များ

2 Samuel 10:14

Kane jo-Amon oneno ni jo-Aram ringo, gin bende ne giringo Abishai, mi gidonjo e dalagi. Eka Joab noweyo kedo kodgi, modok Jerusalem.

2 Samuel 11:11

To Uria nodwoke niya, “Sandug Muma kod jo-Israel gi jo-Juda odak mana e hembe, kendo Joab ma jatendwa gi jodongi mag lweny bende jojot oko e pap. Koro ere kaka an dadonj e oda machiem kendo amethi, kendo anind gi chiega? Akuong’ora gi nyingi, ni ok natim kamano!”

2 Samuel 18:12

To ng’atno nodwoko Joab niya, “Kata da ni imiya fedha gana e lweta, to ok dater lweta kuom wuod ruoth, nimar ne wawinjo ka ruoth chiki kaachiel gi Abishai kod Itai niya, ‘Akayou ni kik uhiny rawera ma Absalom’.

2 Samuel 18:2

Nopogo jolweny e migepe adek. Migawo achiel noketo e bwo Joab, to moro e bwo Abishai wuod Zeruya, omin Joab, kendo mar adek e bwo Itai ja-Giti. Nowacho ni jolweny niya, “An bende adhi kodu e lweny.”

2 Samuel 19:7

Omiyo wuogi, iho chuny jogi, nikech an gi adiera e nying Ruoth Nyasaye ni ka ok itimo kamano, to onge kata ng’at achiel ma ang’ nobed kodi otienoni, kendo mano dibedni masira maduong’ moloyo masiche duto miseneno nyaka ia e nyathi.”

2 Samuel 2:18

Yawuot Zeruya adek duto ne ni kanyo. Ne gin Joab gi Abishai kod Asahel. To Asahel, mane tiende yot ka mwanda,

2 Samuel 21:17

To Abishai wuod Zeruya nobiro monego ja-Filistiano, mi Daudi otony. Bang’e jolwenj Daudi nosayo Daudi niya, “Kik ichak idhi kodwa e lweny, nimar dipo ka chieng’ moro onegi, to in ema ibedonwa ka taya e Israel.”

2 Samuel 23:18

Abishai owadgi Joab, wuod Zeruya, ema ne jatend thwondi piero adekgo. Nonego ji mia adek gi tong’ mi nobedo ng’at marahuma kuom thuondigo.

2 Samuel 3:30

Kamano e kaka Joab gi Abishai owadgi nonego Abner, nikech en ema nonego Asahel owadgi Joab gi Abishai e lweny Gibeon.

2 Samuel 3:39

Kata obedo ni an ruoth kamano, to yawuot Zeruyagi otamo wang’a. Ruoth Nyasaye ema mondo ochul kuor ni ng’ama rach moromo gi rach mosetimo.”

1 Ruodhi 1:33

“Dhiuru gi askechena, uket Solomon wuoda e kanja, kendo ukowe nyaka Gihon,

1 Weche mag Ndalo 11:20

Abishai omin Joab ema ne jatend thuondi piero adekgo. Nonego ji mia adek gi tong’, mi nobedo ng’at marahuma kuom thuondigo.

1 Weche mag Ndalo 18:12

Abishai wuod Zeruya nonego jo-Edom alufu apar gaboro e holo Kado.

Jeremia 8:14

Jo-Nyasaye penjore niya, “Ere gimomiyo wabet abeta? Biuru wadhi e mier mochiel motegno wathoe, nimar Ruoth Nyasaye oseng’adonwa buch tho. Osemiyowa pi motimo kwiri mondo wamodhi, nikech timbewa osebedo maricho e nyime.

Mariko 3:24

Ka jopiny moro opogore, to pinyno ok nyal gurore.

1 Samuel 26:6

Daudi nowacho ni Ahimelek ja-Hiti, kod Abishai wuod Zeruya ma owadgi Joab niya, “Ere ng’ama didhi koda mwalo e kambi Saulo?” Abishai nodwoke ni, “Wadhi kodi.”