2 Samuel 20:21 - MUMA MALER 2015

²¹ Ok en kamano, to ng’at moro miluongo ni Sheba wuod Bikri, modak e piny gode mag Efraim, ema osepiem gi ruoth Daudi. Omiyo goluru mana ng’atno kende, eka abiro weyo dalani.” Dhakono nowacho ni Joab niya, “Ber! Wabiro dironi wiye gi ewi ohinga.”

Motingʼo Loko Manyien

²¹ Ngangʼ, ok en kamano! To gima timore en ni ngʼat moro miluongo ni Sheba wuod Bikri, moa e piny gode mag Efraim, ema piem gi ruoth Daudi. Omiyo miya ngʼatno kende, to abiro weyo dala maduongʼni.” Dhakoni nowachone Joab niya, “Wiye ibiro dirni gi ewi ohinga.”

2 Samuel 20:21 ပူးပေါင်းရင်းမြစ်များ

2 Samuel 20:1

To ne nitie ja-Benjamin moro kanyo ma achach, ma nyinge Sheba wuod Bikri. Nogoyo tung’ kowacho niya, “Waonge wat gi Daudi! Ok wan libamba achiel gi wuod Jesse. Wan jo-Israel, wadoguru dala.”

2 Samuel 20:2

Omiyo jo-Israel duto noweyo Daudi kendo ne giluwo Sheba wuod Bikri. To jo-Juda nomedo kowo ruodhgi gi chuny achiel, ka gia Jordan nyaka Jerusalem.

2 Samuel 20:20

Joab nodwoke niya, “Ooyo, ok adwar tiekogi kata ketho gimoro!

2 Samuel 23:18

Abishai owadgi Joab, wuod Zeruya, ema ne jatend thwondi piero adekgo. Nonego ji mia adek gi tong’ mi nobedo ng’at marahuma kuom thuondigo.

1 Ruodhi 11:26

Jatich Solomon moro bende nopiem kode. Ne ne Jeroboam wuod Nebat, ja-Efraim ma ja-Zareda. Nying min mare ne Zerua, ma chi liel.

2 Ruodhi 10:7

Kane jodongogo oyudo baruano, ne ginego yawuot ruoth duto, mi giketo wiyegi e aditni, kendo giorogi Jezreel ni Jehu.

2 Ruodhi 5:22

Gehazi nodwoke niya, “Onge wach, to ruodha oora mondo anyisi ni yawuowi ariyo mag oganda jonabi ochopo sani koa e piny gode mag Efraim. Okwayi mondo imiye fedha moromo kilo piero adek, kod lewni ariyo.”

Jeremia 4:15

Winjuru! Jaote moa Dan ema hulo ni masira biro, kendo jago milome moa e gode mag Efraim bende wacho kamano.

Jeremia 50:19

Abiro dwoko jo-Israel e pinygi, mi ginichal rombe ma kwayo e lek maber, ka gichamo cham manyak e got Karmel kendo e piny Bashan, kendo ka gichamo gik manyak e piny Efraim gi piny Gilead, mi giyieng’.

Joshua 24:33

Eleazar wuod Harun bende notho, mi noyike Gibea, dala mane opog ni Finehas wuode e piny gode mag Efraim.

Jong’ad Bura 2:9

Ne giyike e lope owuon Timnath-heres, man yo nyandwat mar got Gaash e piny gode mag Efraim.

Jong’ad Bura 7:24

Bende Gideon nooro joote e piny gode duto mag Efraim, mowacho ni jo kuno niya, “Loruru mondo uked gi jo-Midian. Geng’nigiuru kuonde duto minyalo ng’adogo aora Jordan nyaka Beth-bara.” Mi jo-Efraim noyworo ni lweny, kendo ne girito kuonde ming’adogo aora Jordan nyaka Beth-bara.

Jong’ad Bura 9:55

Kane jo-Israel oneno ni Abimelek osetho, ne gike, mi gidhi miechgi giduto.

1 Samuel 24:6

To Daudi nowacho ni joge niya, “Ruoth Nyasaye mondo ogeng’a kik ahiny ruodha, kata mana lith lweta kik ater kuome, nikech en ng’at mowir ma Ruoth Nyasaye oyiero.”

1 Samuel 26:9

To Daudi nodwoke niya, “Kik inege, nimar onge ng’ama nyalo tero lwete kuom ruoth mowir ma Ruoth Nyasaye oyiero, mak doyud bura.”