2 Samuel 20:13 - MUMA MALER 2015

¹³ Kane osegole e yo, ji duto noluwo bang’ Joab, ka gilawo Sheba wuod Bikri.

Motingʼo Loko Manyien

¹³ Kane Amasa osegol e yo, ji duto nodhi gi Joab mondo gilaw Sheba wuod Bikri.

2 Samuel 20:13 ပူးပေါင်းရင်းမြစ်များ

2 Samuel 20:1

To ne nitie ja-Benjamin moro kanyo ma achach, ma nyinge Sheba wuod Bikri. Nogoyo tung’ kowacho niya, “Waonge wat gi Daudi! Ok wan libamba achiel gi wuod Jesse. Wan jo-Israel, wadoguru dala.”

2 Samuel 20:11

To ng’at achiel kuom jolwenj Joab nochung’ but ringre Amasa, kawacho niya, “Ji duto moyie Joab, kendo modok kor Daudi, mondo oluw bang’ Joab.”

2 Samuel 20:14

Sheba nolimo dhout Israel duto nyaka nochopo Abel-beth-maaka, kendo jo-Bikri duto nochokore ire, modonjo kode e dalano.

2 Ruodhi 18:17

Ruodh Asuria nooro Tartan gi Rabsaris kod Rabshake, ma jodonge, kaachiel gi oganda lweny maduong’, ir Hezekia, mi ne giwuok Lakish ka gidhi Jerusalem. Kane gichopo kuno, ne gichung’ but fereji mane golo pi e Yawo Mamalo, e yo maduong’ madhi e puodho miluongo ni Puoth Jalwok Lewni.

Ngeche 16:17

Yo ma joma beyo luwo bor gi richo, omiyo rang kama iluwo mondo ires ngimani.

Isaya 36:2

Ne ooro Rabshake kod oganda lweny mang’ongo ka en Lakish mondo odhi Jerusalem ir ruoth Hezekia. Kane Rabshake ochopo kuno, ne ochung’ but fereji magolo pi e yawo mamalo man yo mochiko puodho miluongo ni Puoth Jalwok Lewni.

Isaya 62:10

Wuoguru! Wuoguru e dhorangach mondo ulos ni joga yo. Buguru yo. Bugeuru maber, kendo goluru kite. Bang’e ting’uru bandera mondo ji one.

Isaya 7:3

Eka Ruoth Nyasaye nowacho ni Isaya niya, “Dhiyo gi wuodi Shear-jashub ir Ahaz kama fereji mar pi mamalo ogikie but yo mochiko puodho miluongo ni puoth Jalwok Lewni, mondo iwachne kama:

Jeremia 31:21

Un jo-Israel, keturu ranyisi ma nyiso wang’ yo, mondo yo ma onego uluw kik ruenyu, to uduog e miechu mane uweyo.

Kwan 20:19

To jo-Israel nowacho niya, “Donge wabiro mana luwo Ndara? To kata ka wan gi jambwa wamodho piu to wanachulu. Omiyo wewauru wang’ad ang’ada.”

Mariko 10:46

Ne gichopo Jeriko, kendo kane oyudo Yesu wuok kuno gi jopuonjrene kod oganda maduong’, jakuecho moro ma muofu ma nyinge Bartimeo, tiende ni wuod Timeo, ne oyudo obet e bath yo.

Jong’ad Bura 21:19

Bang’e ne giparo ni Sap Ruoth Nyasaye mitimo Shilo higa ka higa biro timore machiegni. (Shilo ni yo nyandwat mar Bethel, kendo en yo milambo mar Lebona, to kendo en yo wuok chieng’ mar yo moa Bethel, kadhi Shekem.)

1 Samuel 6:12

Dhogo nochiko nyimgi tir e yo madhi Beth-shemesh, ka giluwo yo maduong’. Ne giywak ka gidhi, to ne ok gibaro korachwich kata koracham. Ruodhi mag jo-Filistia noluwogi nyaka tong’ Beth-shemesh.