2 Samuel 20:12 - MUMA MALER 2015

¹² To ringre Amasa noriere e dier yo, kochadhore gi remo, kendo ji duto mane luwo yorno ne chung’ ka ng’iye. Kane ng’atno oneno ni ji chung’ kanyo, nogolo ringre Amasa oko e yo, moketo tenge, kendo nobolo law kuome.

Motingʼo Loko Manyien

¹² Amasa noriere piny kochadhore gi rembe e dier yo, kendo ngʼatno noneno ka jolweny duto ne chungʼ kochopo kanyo. Bende ka noneno ka ji duto chungʼ kochopo kama Amasa nothoeno, noywaye oko mar yo motere e pap moume gi law.

2 Samuel 20:12 ပူးပေါင်းရင်းမြစ်များ

2 Samuel 17:25

Absalom noseketo Amasa mondo obed jatend jolweny kar Joab. Amasa ne wuod ja-Ishmael ma nyinge Ithra, ma nokendo Abigail nyar Nahash, ma nyamin Zeruya ma min Joab.

2 Samuel 2:23

Kata kamano, Asahel notamore baro. Omiyo Abner nochwowo bund iye gi kapier tong’, mopowo nyaka ka ng’eye. Nogore piny, motho gikanyo. Kane ji duto ochopo kama Asahel othoe, ne gichung’.

2 Samuel 20:11

To ng’at achiel kuom jolwenj Joab nochung’ but ringre Amasa, kawacho niya, “Ji duto moyie Joab, kendo modok kor Daudi, mondo oluw bang’ Joab.”

2 Samuel 20:13

Kane osegole e yo, ji duto noluwo bang’ Joab, ka gilawo Sheba wuod Bikri.

Zaburi 55:23

Jonek gi jomriambo ok nodag aming’a. In Nyasaye ibiro wito jogo e bur matut. An to abiro geno kuomi.

Zaburi 9:16

Ruoth Nyasaye osefwenyore kuom ng’ado bura kare, to joricho osenyumore e timbegi giwegi.