2 Samuel 20:10 - MUMA MALER 2015

¹⁰ To Amasa ne ok odewo ligangla mane ni e lwet Joab. Gikanyono Joab nochwowo bund iye dichiel mak onwoyo, mi jamb iye noo piny, motho. Eka Joab gi Abishai owadgi nomedo lawo Sheba wuod Bikri.

Motingʼo Loko Manyien

¹⁰ To Amasa ne onge gi paro moro amora kuom ligangla mane ni e lwet Joab, kendo Joab nochwowo bund iye gi liganglano molal, mi nyimbiye noredhore piny. Amasa notho ma ok ochako ochwowe kendo. Eka Joab gi owadgi ma Abishai nolawo Sheba wuod Bikri.

2 Samuel 20:10 ပူးပေါင်းရင်းမြစ်များ

Chakruok 4:8

Kain nowacho ni Habil omin mare ni mondo gidhi giba, to ka ne gisedhi e thim kuma bor gi dala, nogoyo Habil monego.

2 Samuel 2:23

Kata kamano, Asahel notamore baro. Omiyo Abner nochwowo bund iye gi kapier tong’, mopowo nyaka ka ng’eye. Nogore piny, motho gikanyo. Kane ji duto ochopo kama Asahel othoe, ne gichung’.

2 Samuel 20:9

Nomoso Amasa, kopenje niya, “In nadi, omera?” Eka nomako yie tik Amasa gi lwete ma korachwich mondo onyodhe.

2 Samuel 3:27

Kane Abner oduogo Hebron, Joab nobaro kode but rangach, ka gima odwaro wuoyo kode ling’ling’, mi nochwowo bund iye, monege, kochulo kuor nikech remb Asahel owadgi.

1 Weche mag Ndalo 12:2

Ne ginyalo diro asere kata bayo orujre gi bat korachwich kata gi bat koracham. Ne gin jo-Benjamin, dhoodgi Saulo.

Jeremia 41:2

Ishmael gi joge apargo noa malo monego Gedalia mane ruodh Babulon oseketo mondo obed jatend piny Juda.

Kwan 35:20

Ka ng’ato odhiro wadgi goyiem, kata ka odiro gimoro mogoye,

Jong’ad Bura 3:15

To kane jo-Israel oywak ni Ruoth Nyasaye mondo okonygi, Ruoth Nyasaye nomiyogi ng’ato moresogi. Ne en Ehud wuod Gera ja-Benjamin, mane ng’at ma racham. Chieng’ moro jo-Israel noore mondo odhi ochul osuchgi ni Eglon ruodh Moab.

Jong’ad Bura 3:21

mi Ehud notero lwete ma kor acham, mowuodho ligangla e bathe ma kor achwich, mohobogo bund i Eglon.

1 Samuel 26:8

Abishai nowacho ni Daudi niya, “Nyasaye oseketo jasiki e lweti tinendeni. Yiena mondo achwowe dichiel gi tong’e, ariwe gi lowo, mak anwoyo lweta!”