2 Samuel 2:5 - MUMA MALER 2015

⁵ nooro joote irgi, kowachonigi niya, “Ruoth Nyasaye mondo oguedhu, nikech nutimo ng’wono ni Saulo ruodhu, kuom yike.

Motingʼo Loko Manyien

⁵ nooro joote ni jo-Jabesh Gilead mondo owachnegi niya, “Jehova Nyasaye mondo ogwedhu kuom timo tim ngʼwono ni Saulo ma ruodhu ka uike.

2 Samuel 2:5 ပူးပေါင်းရင်းမြစ်များ

Chakruok 14:19

kowacho niya, “Abram! Nyasaye Maduong’ Moloyo, mane ochueyo polo gi piny, mondo oguedhi.

Chakruok 14:22

To Abram nodwoke niya, “Akuong’ora gi nying Ruoth Nyasaye, ma Nyasaye Maduong’ Moloyo, kendo ma Jachuech polo gi piny,

2 Samuel 15:20

Yandi eka ibiro, ere kaka dwawuoth kodi kamoro amora, to an akia kuma adhiye? Emomiyo dogi, kaachiel gi jowadu. Ruoth Nyasaye mondo oguedhi, kendo onyisi herane mosiko.”

2 Samuel 21:12

nodhi mokawo choke Saulo kod choke Jonathan wuod Saulo kuom jo-Jabesh-gilead. Noyudo jo-Jabesh-gilead osekawogi ling’ling’ e paw dala mar Bethshan, kama jo-Filistia nolierogie bang’ nego Saulo Gilboa.

Zaburi 115:15

Onego Ruoth Nyasaye mane ochueyo polo gi piny guedhu.

Joshua 2:14

Jogo nodwoke niya, “Kutho, to kara wan bende owinjore watho. Ka Ruoth Nyasaye osemiyowa pinyni, to wanarit singruokwa, kendo wanatimni maber, mak mana kihulo wachwani.”

Jong’ad Bura 21:8

Mano emomiyo ne gipenjore ka nitie jomoko kuom dhout Israel mane ok obiro Mizpa e nyim Ruoth Nyasaye. To nobedo ni onge ja-Jabesh-gilead mane obiro e chokruokno,

Ruth 1:8

To nowachonigi niya, “Ng’ato ka ng’ato kuomu mondo odog thurgi, kendo Ruoth Nyasaye mondo otimnu maber, mana kaka nutimona maber gi joga motho.

Ruth 2:20

Naomi nowachone niya, “Ruoth Nyasaye, osetimonwa ng’wono kod jowa motho, mondo oguedh jalo.” Eka nomedo wacho niya, “Jalo en watwa mahie.”

Ruth 3:10

Boaz nowachone niya, “Ruoth Nyasaye oguedhi, nyara! Gima itimo kawuononi nyiso long’o maber moloyo ma nitimo ni wuon odu, nikech ok iseluwo bang’ wuowi moro ma jachan kata ma japith.

1 Samuel 11:1

Bang’ due achiel, Nahash ja-Amon nodhi molworo Jabesh-gilead mondo okaw. Omiyo jo-Jabesh duto nowacho ni Nahish niya, “Tim kodwa winjruok, mondo wabed jogi.”

1 Samuel 11:9

Eka nowacho ni joote mane obiro niya, “Wachuru ni jo-Jabesh-gilead ni kiny gonyango giniyud konyruok.” Kane jootego odok, monyiso jo-Jabesh kamano, ne gidoko mamor,

1 Samuel 15:13

Samuel nodhi ir Saulo, mi Saulo owachone niya, “Ruoth Nyasaye mondo oguedhi. Asetimo gima ne Ruoth Nyasaye ochika.”

1 Samuel 23:21

Saulo nodwokogi niya, “Ruoth Nyasaye mondo oguedhu, nikech usetimona maber.

1 Samuel 24:19

Ka ng’ato oyudo jasike, doweye mak onege koso? Emomiyo Ruoth Nyasaye mondo omiyi pok maber kuom tim misetimona kawuono.