2 Samuel 2:32 - MUMA MALER 2015

³² Ne giting’o ringre Asahel, mi giyiko e liend wuon mare, Bethlehem. Bang’e Joab kod joge nowuotho gotienono thole, mochopo Hebron ka piny ru.

Motingʼo Loko Manyien

³² Negitingʼo ringre Asahel mi giike e liend wuon-gi e Bethlehem. Eka Joab gi joge nowuotho otieno duto mi gichopo Hebron ka piny yawore.

2 Samuel 2:32 ပူးပေါင်းရင်းမြစ်များ

Chakruok 47:29

Kane kinde mar thone ochopo machiegni, noluongo Josef wuode, nowachone niya, “Yie iket lweti e kind ema, kikuong’orina ni inibedna jaadiera, kendo ni initimna maber, mi ok niyika Misri.

Chakruok 47:30

Kasetho, maluwo kwerena, to mondo igola Misri, kendo idhi iyika kama oyikie kwerena.” Josef nodwoke niya, “Abiro timo kaka iwacho.”

2 Samuel 2:31

To jo-Daudi nosenego ji mia adek kod piero auchiel kuom jo-Benjamin mane luwo Abner.

2 Samuel 5:1

Dhout Israel duto nobiro Hebron ir Daudi, mi giwachone niya, “Ng’e ni wan mana remo achiel kodi.

2 Weche mag Ndalo 16:14

Noyike e liende ma nokunyo e dala Daudi. Ne gikete e ng’ango mopong’ gi gik mang’ue ng’ar mane joma olony e tijno oseloso, kendo ne giloso mach mang’ongo ahinya ka gimiyego duong’.

2 Weche mag Ndalo 21:1

Jehoshafat notho moyike but kwerene e dala Daudi, mi Jehoram wuode nodoko ruoth kare.

Ngeche 22:29

Ng’at ma ong’eyo tije maber ok ti ni ji ajiya, to tiyo mana ni ruodhi.

Jong’ad Bura 8:32

Gideon wuod Joash notho ka hike oniang’ mi oyike Ofra dala jo-Abiezer, e liend Joash wuon mare.

1 Samuel 17:58

Saulo nopenje niya, “Wuowi, in wuod ng’a?” Daudi nodwoke niya, “An wuod Jesse ja Bethlehem, ma jatichni.”