2 Samuel 2:26 - MUMA MALER 2015

²⁶ To Abner nokok ni Joab, kawacho niya, “Ji biro negore nyaka chieng’ koso? Donge ing’eyo ni giko wachni biro bedo marach moloyo? Nyaka karang’o ma ibiro siko kikwero jogi mondo owe lawo jowetegi?”

Motingʼo Loko Manyien

²⁶ Abner noluongo Joab matek kowacho niya, “Chuno ni ligangla biro neko nyaka chiengʼ koso? Donge ingʼeyo ni wachni biro kelo sigu? Biro kawo kinde maromo nade mondo ikwer jogi owe lawo owetegi?”

2 Samuel 2:26 ပူးပေါင်းရင်းမြစ်များ

2 Samuel 11:25

Kane Daudi owinjo kamano, nodwoko jaote niya, “Wach ni Joab ni kik wachno chande, nikech mano e kaka lweny obet. Kawuono ng’ato tho, kendo kiny en mar ng’ama chielo. Dhiyo ijiwe kamano, mondo omed mana kedo matek gi dalano nyaka olo.”

2 Samuel 2:14

Eka Abner nowacho ni Joab niya, “We yawuowi oa malo, mondo otemre e nyimwa.” Joab nodwoke ni, “Ara, gitim kamano.”

2 Samuel 2:16

Eka ne girakore, mi ng’ato ka ng’ato omako wi jasike, kohobo ng’etne gi ligangla, mine giruombore piny rat giduto. Omiyo kanyo nochak ni Helketh-hazurim, (tiende ni, Paw Lak Ligangla.) Pawno nie gweng’ Gibeon.

2 Samuel 2:25

Jo-Benjamin nochokore bang’ Abner, kendo ne giriedo ni lweny, ka gichung’ ewi got moro.

2 Samuel 2:27

Joab nodwoke niya, “Gi nying Ruoth Nyasaye ka da ok iwuoyo, da ok giweyo lawo jowetegi nyaka piny oru!”

Ayub 18:2

“Ayub, ji machal kodi ok nyal ling’ koso? Ka da bed ni inyalo ling’, to da waloso kodi.

Ayub 19:2

“Nyaka karang’o ma ubiro miyoe chunya bedo malit gi wecheu mang’enygi?

Zaburi 4:2

Un ji ubiro yanya nyaka karang’o, kuhero mana gik manono, kendo kuluwo yore mag miriambo?

Ngeche 17:14

Chakruok mar miero chalo gi pi mochako chuer, omiyo nyaka geng’e ka pok omwomo.

Isaya 1:20

To ka udagi, mi upiem koda, to ligangla notieku. An Ruoth Nyasaye ema awacho kamano.”

Jeremia 12:12

Ji oseng’ado gode mae thim ka gibiro mondo giyeki. To an ema aoro lweny mondo otiek pinyno, ma onge ng’at manyalo dakie gi kue.

Jeremia 2:30

Ne anego yawuotu, to mano ne ok opuonjou, bende ne ok unyal yie kethou, to ne unego jonabi mau mana kaka sibuor mager neko.

Jeremia 4:21

Nyaka karang’o ma ananeye bandeche mag lweny ka kwadhore, kendo nawinjie tung’ lweny ka ywak.

Jeremia 46:10

Kawuono en chieng’ Ruoth Nyasaye Manyalo Gik Moko Duto. En chieng’ mochuloe kuor ni wasike. Ligangla biro chamogi mi yieng’, kendo madh rembgi mi mer, nimar kawuono Ruoth Nyasaye Manyalo Gik Moko Duto, timo misango yo nyandwat but aora Yufrate.

Jeremia 46:14

“Landuru wach e miech Misri ma Migdol gi Memfis kod Tapanhes, mondo giikre gisir wasikgi, nimar lweny oseketho kuonde machiegni kodu.

Hosea 11:6

Lweny biro yweyo miechgi mi tur lodi mag dhorangeyegi. Obiro tieko joga, nikech ne giluwo riekogi giwegi.

Tich Joote 7:26

Kinyne ne oneno ja-Israel ariyo kagore, mi ne otemo thegogi kowachonigi niya, ‘Yawa, un owete, to ere gimomiyo utimoru kamano?’