2 Samuel 2:14 - MUMA MALER 2015

¹⁴ Eka Abner nowacho ni Joab niya, “We yawuowi oa malo, mondo otemre e nyimwa.” Joab nodwoke ni, “Ara, gitim kamano.”

Motingʼo Loko Manyien

¹⁴ Eka Abner nowachone Joab niya, “We yawuowi oa malo mondo omakre achingʼ gachingʼ e nyimwa ka.” Joab nodwoko niya, “Kare gitim kamano.”

2 Samuel 2:14 ပူးပေါင်းရင်းမြစ်များ

2 Samuel 2:15

Omiyo ne gia malo, moyier ji apar gariyo kor Ishbosheth wuod Saulo gi jo-Benjamin, kendo ji apar gariyo kor Daudi.

2 Samuel 2:16

Eka ne girakore, mi ng’ato ka ng’ato omako wi jasike, kohobo ng’etne gi ligangla, mine giruombore piny rat giduto. Omiyo kanyo nochak ni Helketh-hazurim, (tiende ni, Paw Lak Ligangla.) Pawno nie gweng’ Gibeon.

2 Samuel 2:17

Negruokno nokelo lweny mager chieng’ono, kendo jo-Daudi noloyo Abner gi jo-Israel.

2 Ruodhi 14:8

Eka Amazia nooro ni Jehoash wuod Jehoahaz ma wuod Jehu ruodh Israel, kowachone niya, “Bi mondo waradi.”

Ngeche 10:23

Timbe maricho ema ng’at mofuwo ohero, to rieko ema miyo ng’at mariek mor.

Ngeche 17:14

Chakruok mar miero chalo gi pi mochako chuer, omiyo nyaka geng’e ka pok omwomo.

Ngeche 20:18

Kiyie mondo ji ong’adni rieko to in idhi nyime maber, omiyo kik ibuk lweny ka pok iikori maber.

Ngeche 25:8

Kik irikni hulo ni ng’ato gimoro amora mineno, dipo ka wadu moro obiro mong’eng’i marach.