2 Samuel 2:1 - MUMA MALER 2015

¹ Bang’ wechegi, Daudi nopenjo Ruoth Nyasaye wach niya,, “Dadhi e dala moro mar Juda koso?” Ruoth Nyasaye nodwoke ni, “Dhiyo!” Daudi nomedo penjo niya, “Ere dala ma dadhiye?” Mi nodwoke ni, “Hebron.”

Motingʼo Loko Manyien

¹ Bangʼ kinde moko Daudi nopenjo Jehova Nyasaye wach niya, “Bende anyalo dhi e achiel kuom miech Juda?” Jehova Nyasaye ne odwoke niya, “Dhiyo.” Daudi nopenjo niya, “Adhi kanye?” Jehova Nyasaye ne odwoke niya, “Dhi Hebron.”

2 Samuel 2:1 ပူးပေါင်းရင်းမြစ်များ

Chakruok 13:18

Kuom mano, Abram nodar, modhi Hebron, kuma noguroe hembe but yien milemoe mag Mamre. Eka nodak kanyo mogeroe kendo-mar-misango ni Ruoth Nyasaye.

Chakruok 32:2

Kane onenogi, nowacho niya, “Ma en oganda mar Nyasaye!” Mi nochako kanyo ni Mahanaim (tiende ni, ogendini ariyo).

2 Samuel 15:7

Bang’ higni ang’wen, Absalom nowacho ni ruoth niya, “Yiena adhi Hebron, mondo achop singruok mane asingora ni Ruoth Nyasaye,

2 Samuel 2:11

kendo Daudi nobedo ruoth kuom higni abiriyo gi dueche auchiel kodak Hebron.

2 Samuel 5:19

Daudi nopenjo Ruoth Nyasaye wach niya, “Kadhi kedo gi jo-Filistia, nichiwgi e lweta koso?” Ruoth Nyasaye nodwoke niya, “Dhiyo; nachiwgi e lweti.”

2 Samuel 5:23

Daudi nochako openjo Ruoth Nyasaye wach, mi Ruoth Nyasaye nodwoke niya, “Kik ichomgi tir, to ng’ad yo ka ng’egi mondo imonjgi kama omanyore gi yien maboyo ka.

1 Ruodhi 2:11

Nobet ruodh Israel kuom higni piero ang’wen. E Hebron nobedoe ruoth kuom higni abiriyo, to e Jerusalem higni piero adek gadek.

1 Weche mag Ndalo 29:7

noyie gi chuny achiel mogolo dhahabu moromo kilo alufu mia ariyo, gi pesa moromo darik alufu apar, gi fedha kilo alufu mia ang’wen, gi mula kilo alufu mia auchiel, gi nyinyo moromo kilo tara ang’wen mondo ogergo Od Nyasaye.

2 Weche mag Ndalo 11:10

Zora, Aijalon, kod Hebron. Gin miech Juda gi Benjamin mochiel gi ohinga.

Zaburi 143:8

Nyisa herani mosiko gokinyi, nimar ageno kuomi, yaye Ruoth Nyasaye. Bende nyisa yo monego aluw, niikech kuomi ema aketoe chunya duto.

Zaburi 27:4

Asekwayo Ruoth Nyasaye gimoro achiel kende, kendo mano ema adwaro moloyo; adwaro dak e ode kuom ngimana duto, mondo ane ber mare kendo alame e Hekalu mare.

Ezekiel 36:37

“An Ruoth Nyasaye amedo wacho niya, ‘Abiro timo gik moko madongo kata moloyo mago. Abiroo yie jo-Israel okwaya mondo akonygi, mi ami ginya mathoth mana ka kueth rombe.

Kwan 13:22

Ne giidho ka ging’ado piny milambo, mi gichopo Hebron, kuma ne Ahiman gi Sheshai kod Talmai ma nyikwa Anak odakie. (Hebron noger higni abiriyo kapok oger Zoan man e piny Misri.)

Kwan 27:21

Enobed kodhi ir Eleazar jadolo ma nobed ka goyone ombulu miluongo ni Urim, mondo ong’ego gima Ruoth Nyasaye dwaro. Oganda jo-Israel, kaachiel gi Joshua, nowuog oko kendo noduog dala, mana kaka Eleazar ochikogi.”

Joshua 15:13

Nopog ni Kaleb wuod Jefune dir piny jo-Juda, kaka Ruoth Nyasaye nosechiko Joshua. Pok ma noyudono ne en Hebron, dala mar Arba, kwar jo-Anak.

Jong’ad Bura 1:1

Bang’ tho Joshua, jo-Israel nopenjo Ruoth Nyasaye wach niya, “Ere dhoot monego kuong dhi monjo jo-Kanaan?”

1 Samuel 10:22

Emomiyo ne gichako gipenjo Ruoth Nyasaye wach niya, “Ng’atno osebiro ka koso?” Ruoth Nyasaye nodwokogi ni, “Ero opondo e kind misike.”

1 Samuel 23:2

Omiyo nopenjo Ruoth Nyasaye wach niya, “Adhi aked gi jo-Filistia koso?” Ruoth Nyasaye nodwoke niya, “Dhiyo, iked kodgi, mondo ires jo-Keila.”

1 Samuel 23:4

Kuom mano Daudi nochako openjo Ruoth Nyasaye wach, mi Ruoth Nyasaye nodwoke niya, “A malo idhi Keila, nimar abiro chiwo jo-Filistia e lweti.”

1 Samuel 30:31

gi Hebron, kod kuonde duto mane Daudi jorawoe gi joge.